திண்டுக்கல்லில் வங்கி உதவி மேலாளர் கொலை - விசாரணையில் சிக்கிய சிஆர் பி எஃப் போலீசார்.!

திண்டுக்கல் மாவட்டத்தில் உள்ள கொட்டாரப்பட்டி பகுதியைச் சேர்ந்தவர் புகழ் நாதன். இவர் பழனி அருகே மடத்துக்குளம் பகுதியில் தனியார் வங்கி ஒன்றில் உதவி மேலாளராக பணிபுரிந்து வந்தார்.

இவருக்கு மனைவி மற்றும் இரண்டு வயது குழந்தை உள்ளது. இவருடைய மைத்துனர் ராஜா. இவர் ஜம்மு காஷ்மீர் மாநிலத்தில் உள்ள ஸ்ரீ நகரில் ஆர் பி எஃப் போலீஸ்காரராக பணிபுரிந்து வருகிறார்.

இந்த நிலையில் ராஜா நேற்று முன்தினம் தன் சகோதரியின் வீட்டுக்கு வந்து புகழ் நாதனுடன் பேசிக் கொண்டிருந்தார். அப்போது அவர்களுக்கிடையே திடீரென வாக்குவாதம் ஏற்பட்டது. இதில் ஆத்திரமடைந்த ராஜா புகழ் நாதனின் மார்பில் தாக்கியுள்ளார்.

இதில் புகழ் நாதன் மயங்கி கீழே விழுந்துள்ளார் இதை பார்த்து அவரது மனைவி புகழ் நாதனை மீட்டு சிகிச்சைக்காக மருத்துவமனைக்கு கொண்டு சென்றனர். அங்கு அவரை பரிசோதனை செய்த மருத்துவர்கள் ஏற்கனவே புகழ் நாதம் இறந்து விட்டதாக தெரிவித்தனர்.

இந்த சம்பவம் குறித்து தகவல் அறிந்த போலீசார் சம்பவம் தொடர்பாக விசாரணை நடத்தி குற்றவாளியான ராஜாவை கைது செய்தனர். மாமனை மைத்துனரே கொலை செய்த சம்பவம் பகுதியில் பெரும் பரபரப்பை ஏற்படுத்தி உள்ளது.