மின்சார கட்டணம் கடந்த ஆண்டு, ஜூலை மாதம் 1 ஆம் தேதி, நுகர்வோர் விலைக் குறியீட்டு இணைக்கப்பட்ட திருத்தத்தின்படி கட்டணம் 2.18% உயர்த்தப்பட்டது, ஆனால் தமிழக அரசு உள்நாட்டு நுகர்வோருக்கான கட்டண உயர்வை மானியமாக பொறுப்பு ஏற்றுக்கொண்டது. 

ஆனால், கட்டண உயர்விலிருந்து மாநில நுகர்வோரைப் பாதுகாப்பதற்கான அத்தகைய திட்டம் எதுவும் இதுவரை தமிழக அரசால் நிறைவேறற்றப்படவில்லை. கடந்த 2021ஆம் ஆண்டு திமுக ஆட்சி பொறுப்பேற்ற பிறகு இது மூன்றாவது கட்டண உயர்வு.

தமிழ்நாடு உற்பத்தி மற்றும் பகிர்மானக் கழகம், தமிழ்நாடு அரசு நிர்ணயித்த நுகர்வோர் விலைக் குறியீடு  பணவீக்கத்துடன் சேர்க்கப்பட்ட கட்டணத் திருத்தத்தின்படி மாநில, வணிக மற்றும் தொழில்துறை பயனர்களுக்கான மின் கட்டணத்தை வருகின்ற ஜூலை மாதம் 1ஆம் தேதி முதல் 4.83% உயர்த்த வாய்ப்புள்ளது. 

மின்சார ஒழுங்குமுறை ஆணையம் கடந்த 2022ஆம் ஆண்டில், மாநிலத்தில் ரூ. 4.60 ஆகவும் ஒரு யூனிட் மின் கட்டணம், கட்டண உயர்வுக்குப் பிறகு ரூ. 4.83 ஆகவும் நிர்ணயித்து இருந்தது. மேலும் இந்த கட்டண திருத்தம்  ஜூலை மாதம் 1ஆம் தேதி முதல் வருகின்ற 2027ஆம் ஆண்டு வரை ஒவ்வொரு ஆண்டும் அமலுக்கு வரும் .

இந்த ஆண்டு ஏப்ரல் மாதத்தில் நாட்டின் சில்லறை பணவீக்கம் 4.83% ஆக இருந்ததாக புள்ளியியல் மற்றும் திட்ட அமலாக்க அமைச்சகத்தின் தரவு தெரிவித்தது. இந்த தரவு அறிக்கையின் அடிப்படையில் மின் கட்டண உயர்வு இருக்கும் என தகவல் கிடைத்துள்ளது.

இது  இந்த மாத இறுதிக்குள், ஜூலை 1 முதல் நடைமுறைக்கு வரும் திருத்தம் தொடர்பான உத்தரவுகளை TNERC வெளியிடும் என்று எதிர்பார்க்கப்படுகிறது.