ஏப்ரல் 30: மதுரை - பெங்களூரு கோடைகால சிறப்பு ரெயில் இயக்கம்..!

தமிழகத்தில் கோடையின் தாக்கம் அதிகரித்துள்ளது. இந்த கோடை காலத்தில் பயணிகளின் கூட்ட நெரிசலை தவிர்க்க, மதுரை - பெங்களூருக்கு சிறப்பு ரெயில்கள் இயக்கப்படும் என தென்மேற்கு ரெயில்வே அறிவித்துள்ளது.

அதன்படி, பெங்களூரு - மதுரை செல்லும் சிறப்பு எக்ஸ்பிரஸ் ரெயில் (வண்டி எண்: 06521) அறிவிக்கப்பட்டுள்ளது. இந்த ரெயில் வருகிற ஏப்ரல் 30-தேதி இயக்கப்படும் எனவும், இந்த ரெயில் பெங்களூரில் இருந்து (புதன்கிழமை) இரவு 07 மணிக்கு புறப்படவுள்ளது.

மறுமார்க்கத்தில் மதுரை - பெங்களூரு செல்லும் சிறப்பு எக்ஸ்பிரஸ் ரெயில் (வண்டி எண்: 06522) அறிவிக்கப்பட்டுள்ளது. இந்த ரெயில் வருகிற மே மாதம்01-ந் தேதி இயக்கப்படுகிறது. இந்த ரெயில் மதுரையில் இருந்து (வியாழக்கிழமை) இரவு 07.50 மணியில் புறப்படவுள்ளது.

ரெயில் பெட்டி அமைப்பு:
02- ஏசி இரண்டு அடுக்கு பெட்டிகள்,
16- ஏசி மூன்று அடுக்கு பெட்டிகள், மற்றும் 2- லக்கேஜ் கம் பிரேக் வேன் உள்ளன.