மஹா சிவராத்திரியை முன்னிட்டு மார்ச் 1ம் தேதி விடுமுறை..அரசு அறிவிப்பு.!
Maha Shivaratri March 1 St kanniyakumari local holiday
மகா சிவராத்திரியை முன்னிட்டு கன்னியாகுமரி மாவட்டத்தில் மார்ச் 1ஆம் தேதி உள்ளூர் விடுமுறை வழங்கப்படுவதாக மாவட்ட ஆட்சியர் அறிவித்துள்ளார்.
ஒவ்வொரு ஆண்டும் இந்து நாட்காட்டிபடி பால்குண மாதத்தின் கிருஷ்ண பக்ஷ சதுர்த்தி அன்று மகா சிவராத்திரி விழா கொண்டாடப்படுகிறது. அதன்படி இந்த ஆண்டு மார்ச் 1ஆம் தேதி மகா சிவராத்திரி கொண்டாடப்படுகிறது.
இந்த நிலையில் கன்னியாகுமரி மாவட்ட ஆட்சியர் அரவிந்த் வெளியிட்டுள்ள அறிவிப்பில், கன்னியாகுமரி மாவட்டத்தில் மகா சிவராத்திரியையொட்டி சிவாலய ஓட்டம் நடைபெறும். இதையொட்டி கன்னியாகுமரி மாவட்டத்திற்கு வருகிற மார்ச் 1ஆம் தேதி உள்ளூர் விடுமுறை வழங்கப்படுகிறது.
மேலும், வருகிற மார்ச் 1ஆம் தேதி விடப்படும் விடுமுறைக்கு பதிலாக, இரண்டாவது சனிக்கிழமையான மார்ச் 12ஆம் தேதி வேலை நாளாக இருக்கும் என்று கன்னியாகுமரி மாவட்ட ஆட்சியர் அரவிந்த் வெளியிட்டுள்ள அறிவிப்பில் தெரிவித்துள்ளார்.
English Summary
Maha Shivaratri March 1 St kanniyakumari local holiday