திண்டுக்கலில் ஜே.சி.பி வாகனம் கவிழ்ந்து விபத்து - வாலிபர் பலி.!
man died for jcb vechicle accident in dindukal
திண்டுக்கலில் ஜே.சி.பி வாகனம் கவிழ்ந்து விபத்து - வாலிபர் பலி.!
திண்டுக்கல் மாவட்டத்தில் உள்ள பழனி அருகே நெய்க்காரப்பட்டி பேரூராட்சியில் குப்பை கிடங்கு ஒன்று உள்ளது. இந்த குப்பைக் கிடங்கில் உள்ள குப்பைகளை ஜே.சி.பி வாகனம் உதவியுடன் சரி செய்யும் பணி நடைபெற்று வந்தது. அப்போது எதிர்பாராதவிதமாக ஜே.சி.பி வாகனம் கவிழ்ந்து விபத்துக்குள்ளானது.
இந்த விபத்தில், அந்த வாகனத்தில் அமர்ந்திருந்த ஒருவர் கீழே விழுந்ததில் உடல் நசுங்கி சம்பவ இடத்திலேயே பரிதாபமாக கீழே விழுந்தார். இதைப்பார்த்த பேரூராட்சி ஊழியர்கள் ஜே.சி.பி வாகனத்தில் சிக்கி இறந்தவரின் உடலை மீட்கும் பணியில் ஈடுபட்டனர்.
இதற்கிடையே இந்த விபத்து குறித்து போலீசாருக்குத் தகவல் அளிக்கப்பட்டது. அதன் படி போலீசார் சம்பவ இடத்திற்கு விரைந்து சென்று உயிரிழந்தவரின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர். அதன் பின்னர் போலீசார் சம்பவம் குறித்து வழக்கு பதிவு செய்து விசாரணை மேற்கொண்டு வந்தனர்.
அதில், விபத்தில் சிக்கி பலியான நபர் பழனி அடிவாரத்தைச் சேர்ந்த சுபாஷ் என்பதும், இவர் தனது நண்பர் கார்த்திக் உடன் சேர்ந்து இன்று பணியில் ஈடுபட்ட போது விபத்து ஏற்பட்டதும் தெரிய வந்துள்ளது.
English Summary
man died for jcb vechicle accident in dindukal