#சற்றுமுன் | புயலுக்கான 'ரெட்' அலெர்ட் - அதிகாரபூர்வ அறிவிப்பு!

வங்கக்கடலில் உருவான மாண்டஸ் 'தீவிர' புயல் வலுவிழந்து, சென்னையிலிருந்து தெற்கு-தென்கிழக்கே 260 கி.மீ தொலைவில் மையம் கொண்டு உள்ளது.

மணிக்கு 12 கிலோமீட்டர் வேகத்தில் நகர்ந்து கொண்டிருக்கும் இந்த புயல், தொடர்ந்து கரையை நோக்கி வந்து கொண்டிருக்கிறது.

மாமல்லபுரத்தில் இன்று இரவு 11:30 மணி அளவில் இந்த புயல் கரையை கடக்க வாய்ப்பு உள்ளதாகவும், அதிகாலை 2.30 மணி வரை இந்த புயல் கரையை கடக்கும் என்றும் வானிலை ஆய்வு மையம் தகவல் தெரிவித்துள்ளது.

இந்நிலையில், இந்த புயல் கரையை நெருங்கி விட்டது என்பதை குறிக்கும் விதமாக 'ரெட் மெசேஜ்' என்று சொல்லக்கூடிய சிகப்பு நிற எச்சரிக்கையை தற்போது, வானிலை ஆய்வு மையம் கொடுத்துள்ளது.

வழக்கமாக கொடுக்கக்கூடிய சிகப்பு நிற எச்சரிக்கையை கடந்து, இது ஒரு அதி முக்கியமான ஒரு எச்சரிக்கையாக பார்க்கப்படுகிறது.