செங்கல்பட்டு.! மினி லாரி மோதி பெண் உயிரிழப்பு.!

செங்கல்பட்டு மாவட்டத்தில் மினி லாரி மோதிய விபத்தில் பெண் உயிரிழந்துள்ளார்.

விழுப்புரம் மாவட்டம் நொலம்பூர் மேலபுது காலனியை சேர்ந்தவர் துலுக்காணம் என்பவரின் மனைவி காந்தா. இவர் செங்கல்பட்டு மாவட்டம் அச்சரப்பாக்கம் அருகே சாலையோரமாக பழக்கடை ஒன்று வைத்துள்ளார்.

இந்நிலையில் காந்தா இன்று காலை திருச்சி-சென்னை தேசிய நெடுஞ்சாலையில், சாலையின் ஓரமாக நின்று கொண்டிருந்தபோது, எதிர்பாராத விதமாக உளுந்தூர்பேட்டையில் இருந்து சென்னை நோக்கி வந்த மினி லாரி ஒன்று காந்தா மீது மோதியது.

இந்த விபத்தில் காந்தா சம்பவ இடத்திலே பரிதாபமாக உயிரிழந்துள்ளார். இதையடுத்து இந்த சம்பவம் குறித்து தகவல் அறிந்து வந்த காவல்துறையினர் காந்தாவின் உடலை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர்.