மினி லாரி மோட்டார் சைக்கிள் மீது மோதி விபத்து - ஒருவர் உயிரிழப்பு

மினிலாரி மோட்டார் சைக்கிள் மீது மோதிய விபத்தில் ஒருவர் உயிரிழந்துள்ளார்.

தர்மபுரி மாவட்டம் அரூர் பகுதியை சேர்ந்தவர் பிரகாஷ் (46). இவர் பொருட்கள் வாங்குவதற்காக தர்மபுரிக்கு வந்துவிட்டு மீண்டும் அரூர் பகுதியை நோக்கி மோட்டார் சைக்கிளில் சென்று கொண்டிருந்தார்.

அப்பொழுது ஜடையம்பட்டி அருகே சென்றபோது, அவ்வழியாக வந்த மினிலாரி ஒன்று எதிர்பாராத விதமாக பிரகாஷ் மோட்டார் சைக்கிள் மீது மோதியது.

இதில் பலத்த காயமடைந்த பிரகாஷை அப்பகுதியில் இருந்தவர்கள் மீட்டு சிகிச்சைக்காக தர்மபுரி மருத்துவக் கல்லூரி மருத்துவமனையில் அனுமதித்தனர். ஆனால் அங்கு சிகிச்சை பலனின்றி பிரகாஷ் பரிதாபமாக உயிரிழந்த உள்ளார்.