மினிலாரி இருசக்கர வாகனத்தின் மீது மோதிய விபத்தில் தொழிலாளி உயிரிழப்பு.!

தர்மபுரி அருகே மினிலாரி இருசக்கர வாகனத்தின் மீது மோதிய விபத்தில் தொழிலாளி உயிரிழந்துள்ளார்.

தர்மபுரி மாவட்டம் குமாரசாமி பேட்டை நடேசன் தெருவை சேர்ந்தவர் தொழிலாளி முருகன்(49). இவர் டிஎன்பி.நகர் பிரிவு சாலை அருகே இருசக்கர வாகனத்தில் சென்று கொண்டிருந்தார்.

அப்பொழுது எதிரே வந்த மினி லாரி ஒன்று எதிர்பாராத விதமாக முருகன் ஓட்டி வந்த இருசக்கர வாகனம் மீது மோதியது. இதில் தூக்கி வீசப்பட்ட முருகன் உடல் நசுங்கி சம்பவ இடத்திலே பரிதாபமாக உயிரிழந்துள்ளார்.

இதையடுத்து இந்த விபத்து குறித்து தகவல் அறிந்து வந்த தர்மபுரி காவல்துறையினர், முருகனின் உடலை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர்.