கருணாநிதி பிறந்தநாள் : நினைவிடத்தில் முதலமைச்சர் மு.க.ஸ்டாலின் நாளை மரியாதை.!
mk stalin tribute karunanithi memorable place for birthday
மறைந்த தி.மு.க. தலைவரும், தமிழகத்தின் முன்னாள் முதலமைச்சருமான கருணாநிதிக்கு ஜூன் 3 ஆம் தேதியான நாளை 101-வது பிறந்தநாள் விழா கொண்டாடப்படுகிறது. இந்த விழாவை முன்னிட்டு சென்னை மெரினா கடற்கரையில் அமைந்துள்ள அவரது நினைவிடத்தில் தி.மு.க. தலைவரும், முதலமைச்சருமான மு.க.ஸ்டாலின் நாளை காலை 9 மணியளவில் மலர் வளையம் வைத்து மரியாதை செலுத்துகிறார்.
அதன் பின்னர் அவர், அண்ணா சாலை ஓமந்தூரார் வளாகத்தில் அமைந்துள்ள கருணாநிதியின் முழு உருவச்சிலைக்கு மாலை அணிவிக்கிறார். அங்கு பூக்களால் அலங்கரித்து வைக்கப்படும் உருவப்படத்துக்கு மலர்களை தூவி மரியாதை செலுத்துகிறார்.
இதையடுத்து காலை 9.30 மணியளவில் சென்னை கோடம்பாக்கத்தில் உள்ள முரசொலி வளாகத்தில் அமைந்துள்ள கருணாநிதியின் சிலைக்கு மாலை அணிவித்து, மரியாதை செலுத்தவுள்ளார். இதைத் தொடர்ந்து காலை 10 மணியளவில் தி.மு.க. தலைமை அலுவலகமான சென்னை அண்ணா அறிவாலயத்துக்கு முதலமைச்சர் மு.க.ஸ்டாலின் வருகை தருகிறார்.
அங்கு கருணாநிதியின் உருவச்சிலைக்கு மாலை அணிவித்து மரியாதை செலுத்துகிறார். இந்த நிகழ்ச்சிகளில் தி.மு.க. அமைச்சர்களும், மூத்த நிர்வாகிகளும் கலந்துகொண்டு கருணாநிதியின் சிலைக்கும், உருவப்படத்துக்கும் மரியாதை செலுத்த உள்ளனர்.
English Summary
mk stalin tribute karunanithi memorable place for birthday