தமிழகம் முழுவதும் அரசு பள்ளிகளில் காலை உணவு வழங்கும் திட்டம்.. இன்று முதல் தொடக்கம்.!

அரசுப் பள்ளியில் பயிலும் ஒன்று முதல் ஐந்தாம் வகுப்பு வரை உள்ள மாணவர்களுக்கு காலை உணவு வழங்கும் திட்டத்தை நேற்று தமிழக முதலமைச்சர் மு க ஸ்டாலின் துவங்கி வைத்தார்.

அறிஞர் அண்ணாவின் பிறந்த நாளை முன்னிட்டு ஸ்டாலின், அரசு பள்ளிக்கு சென்று குழந்தைகளுடன் உணவு உண்டு, அவர்களுக்கு உணவு பரிமாறி இந்த திட்டத்தை துவங்கி வைத்தார்.

இந்த நிலையில், மதுரையை தொடர்ந்து தமிழகம் முழுவதும் உள்ள 38 மாவட்டங்களில் உள்ள அரசு பள்ளிகளில் மாணவர்களுக்கு காலை உணவு வழங்கும் திட்டம் இன்று தொடங்கப்படுகிறது.

தமிழ்நாட்டில் அனைத்து மாவட்டங்களிலும் இந்த திட்டத்தினை செயல்படுத்தும் வகையில் தமிழக அரசு ரூ.33.56 கோடி நிதி ஒதுக்கீடு செய்து உள்ளது.