கோவையில் பரபரப்பு : பெட்ரோல் குண்டுவீச்சில் இருவர் கைது..!
petrol bomb attack 2 members arrest
கோவை மாவட்டத்தில் கடந்த இரு தினங்களாக அடுத்தடுத்து பெட்ரோல் குண்டு வீச்சு சம்பவம் நடந்து வருகிறது. இந்த சம்வத்தில் போலீசார் தீவிர விசாரணை நடத்தி வந்தனர்.
இதுகுறித்து கோவை மாநகர காவல் ஆணையர் பாலகிருஷ்ணன் செய்தியாளர்கள் சந்திப்பில் தெரிவித்ததாவது, "சிசிடிவி காட்சி பதிவுகளை கொண்டு ஜேசுராஜ், இலியாஸ் ஆகியோரை கைது செய்துள்ளோம். கைது செய்யப்பட்ட இருவரும் எஸ்.டி.பி.ஐ கட்சியில் பொறுப்பில் உள்ளார்கள்.
இதுபற்றி பல்வேறு அமைப்புகளைச் சேர்ந்த நிர்வாகிகளை அழைத்து பேச்சு வார்த்தை நடத்தியுள்ளோம். பல்வேறு மத அமைப்பினரும் தங்களுக்கு ஒத்துழைப்பு அளிப்பதாக உறுதி அளித்துள்ளனர். குற்றவாளிகள் இருவரும் சிசிடிவி மற்றும் நுண்ணறிவு பிரிவு விசாரணையின் அடிப்படையில் கைது செய்யப்பட்டுள்ளனர்.
இவர்கள் மீது, வீடு அல்லாத பொருட்கள் மீது தீவைத்து தாக்குதல் நடத்துவது உள்ளிட்ட பிரிவுகளின் கீழ் வழக்குப்பதிவு செய்யப்பட்டுள்ளது. இன்னும் இரண்டு வழக்குகளில் குற்றவாளிகளை நெருங்கி விட்டோம்" என்று மாநகர காவல் ஆணையர் தெரிவித்துள்ளார்.
English Summary
petrol bomb attack 2 members arrest