#சென்னை || காதலில் வீட்டில் தகராறு., போலீஸ் எஸ்ஐ மீது தாக்குதல்., மனநலம் பாதிக்கப்பட்ட இளைஞர் கைது.!

சென்னை காவல் நிலையத்தில் விசாரணைக்காக அழைத்து வரப்பட்ட இளைஞர், காவல் உதவி ஆய்வாளரை தாக்கிய சம்பவம் பெரும் பரபரப்பையும், அதிர்ச்சியையும் ஏற்படுத்தி உள்ளது.

சென்னை கேகே நகர் காவல்நிலையத்தில் விசாரணைக்காக அழைத்துவரப்பட்ட இளைஞர், விசாரணை செய்த போலீஸ் எஸ்ஐ மீது தாக்குதல் நடத்திய சம்பவம் அரங்கேறியுள்ளது.

ஜெயந்த் என்ற அந்த இளைஞர், தனது முன்னாள் காதலி வீட்டிற்கு சென்று தகராறில் ஈடுபட்டுள்ளார். அதனைக் கண்ட பெண்ணின் தந்தை, ஜெயந்த்தை காவல் நிலையத்துக்கு அழைத்துச் சென்றுள்ளார்.

அப்போது அங்கிருந்த உதவி காவல் ஆய்வாளர் மீதும் ஜெயந்த் தாக்குதல் நடத்தியுள்ளார். இதனையடுத்து உடனடியாக காவல்துறையினர் கட்டுப்பாட்டு அறைக்கு தகவல் தெரிவித்தனர்.

காவல்துறை உயரதிகாரிகள் ஜெயந்தை பிடித்து விசாரணை நடத்தினர். அப்போது அவர் மனநலம் பாதிக்கப்பட்டு கடந்த ஓராண்டாக சிகிச்சை பெற்றது தெரிய வந்தது.

இருப்பினும் இந்த தாக்குதல் சம்பவம் குறித்து ஜெயந்த் மீது வழக்குப்பதிவு செய்த போலீசார், மேலும் அவரிடம் விசாரணை மேற்கொண்டு வருகின்றனர்.