ஆறாம் வகுப்பு சிறுமியிடம், கணக்கு வாத்திக்கு ஏற்பட்ட தகாத ஆசை.! குண்டர் சட்டத்தில் கைது.!

புதுக்கோட்டை மாவட்டத்தில் கரம்பக்குடி பகுதியில் சங்கம் விடுதியை சேர்ந்த சீனியப்பா என்ற 57 வயது நபர் அரசு மேல்நிலைப்பள்ளி ஒன்றில் கணித ஆசிரியராக பணிபுரிந்து வந்துள்ளார்.

அந்த பள்ளியில் படிக்கும் ஆறாம் வகுப்பு மாணவிகளுக்கு கணித ஆசிரியராக பாடம் எடுத்து வந்த சீனியப்பா ஆறாம் வகுப்பில் இருக்கும் ஒரு மாணவி மீது தகாத ஆசையை வளர்த்துள்ளார்.

எனவே, அந்தப் பெண்ணிற்கு கணக்கு சொல்லிக் கொடுக்கும் காரணத்தை வைத்து அடிக்கடி தனக்கு அருகே அழைத்து பின்னர், அவர் மேல் கை வைத்து பாலியல் சீண்டல்கள் செய்துள்ளார். இதனால் கடுப்பான அந்த மாணவி தனது பெற்றோரிடம் இதுகுறித்து தெரிவிக்க அவர்கள் காவல் நிலையத்தில் புகார் அளித்தனர்.

இந்த புகாரின் பேரில் ஆலங்குடி மகளிர் காவல் துறையினர் போக்சோ சட்டத்தின் கீழ் ஆசிரியர் சீனியப்பவை கைது செய்தனர். அதன் பின் அவர் புதுக்கோட்டை சிறையில் அடைக்கப்பட்ட நிலையில், குண்டர் சட்டத்தில் கைது செய்யப்பட வேண்டும் என்று மாவட்ட எஸ்பி, கலெக்டருக்கு கோரிக்கை வைத்தார்.

பின்னர் கலெக்டரின் உத்தரவுப்படி சீனியப்பா குண்டர் சட்டத்தில் கைது செய்யப்பட்டார். நேற்று அவர் மத்திய சிறையில் போலீசாரால் அடைக்கப்பட்டார்.