தொடர் விடுமுறை! சுற்றுலா தளங்களில் குவிந்து வரும் மக்கள்!
series of vacations People flocking to tourist sites
கொடைக்கானல்: கடந்த சில வாரங்களாக கடுமையாகப் பெய்த மழையால் வெறிச்சோடித் திகழ்ந்த கொடைக்கானலில், தற்பொழுது மழை குறைந்து சாரல் மழை மட்டும் பெய்து வருகிறது. இதனால் குளிர்ச்சியான இதமான சூழல் நிலவி, சுற்றுலா பயணிகள் மெல்ல அதிகரிக்க தொடங்கியுள்ளனர்.
திபாவளி பண்டிகையையொட்டி தமிழகத்தில் விடுமுறை அறிவிக்கப்பட்டுள்ளது. இதனால் சுற்றுலா பயணிகள் குவியத் தொடங்கியுள்ளனர். குறிப்பாக, அண்டை மாநிலமான கேரளாவில் உள்ள பள்ளி, கல்லூரிகளில் விடுமுறை என்பதால், மாணவ-மாணவிகள் ஏராளமாக கொடைக்கானலை நோக்கி பயணம் செய்துள்ளனர்.
அனைத்து சுற்றுலா தளங்களிலும் சற்றே சிற்றோட்டமாக காணப்பட்ட கூட்டம், தற்போது பெரிதும் கூடியுள்ளது. ஏரிச்சாலை அருகே சைக்கிள் சவாரி, நட்சத்திர ஏரியில் படகு சவாரி போன்றவை சுற்றுலா பயணிகளின் சுவாரஸ்யமான அம்சங்களாக மாறியுள்ளன.
இதனால், சுற்றுலா சார்ந்த சிறு குறு வியாபாரிகள் மகிழ்ச்சி அடைந்துள்ளனர். அடுத்த வாரங்களில் சுற்றுலா பயணிகள் கூட்டம் மேலும் அதிகரிக்கும் என எதிர்பார்க்கப்படுவதால், சுற்றுலா தொழிலில் ஈடுபட்டுள்ள பலரும் பொருளாதார ரீதியிலான முன்னேற்றத்தை கண்டு மகிழ்ச்சி அடைந்துள்ளனர்.
English Summary
series of vacations People flocking to tourist sites