நெல்லை வந்தே பாரத் ரயில் மீது கற்கள் வீசிய விவகாரம் - விசாரணையில் சிக்கிய 6 சிறுவர்கள்.!
six boys arrested for attack vandhe bharat train
சென்னையில் இருந்து நெல்லைக்கு இயக்கப்பட்டு வந்த வந்தே பாரத் ரெயில் கடந்த 4-ந் தேதி இரவு பத்து மணி அளவில் நெல்லை அருகே உள்ள மணியாச்சியை கடந்து சென்று கொண்டிருந்தது. அப்போது, முட்புதர்களுக்குள் பதுங்கி இருந்த மர்மநபர்கள் ரெயில் மீது கற்களை வீசி தாக்குதல் நடத்தியுள்ளனர்.
இதில் ஆறு பெட்டிகளில் இருந்த கண்ணாடி சேதமடைந்தது. இந்த சம்பவம் தொடர்பாக தூத்துக்குடி ரெயில்வே பாதுகாப்பு படை போலீசார் விசாரணை மேற்கொண்டனர். ரெயிலில் இருந்த கண்காணிப்பு கேமராக்களில் பதிவாகி இருந்த காட்சிகளை ஆய்வு செய்தனர்.
அப்போது நெல்லை அருகே உள்ள நாரைக்கிணறுக்கும், கங்கைகொண்டானுக்கும் இடைப்பட்ட பகுதியில் மர்மநபர்கள் ரெயில் மீது கல்வீசி தாக்கியது தெரியவந்தது. இதையடுத்து போலீசார் விசாரணையை தீவிர படுத்தியதில் 'வந்தே பாரத்' ரெயில் மீது கல்வீசியது 6 சிறுவர்கள் என்பது கண்டுபிடிக்கப்பட்டது.
அந்த 6 சிறுவர்களையும் மடக்கிப் பிடித்த போலீசார் அவர்களை ரெயில்வே பாதுகாப்பு படையினரிடம் ஒப்படைத்தனர். அவர்களிடம் ரெயில் மீது கற்களை வீசியதற்கான காரணம் குறித்து விசாரணை நடத்தி வருகின்றனர்.
English Summary
six boys arrested for attack vandhe bharat train