புதுக்கோட்டையில் ஆயுதங்களுடன் சுற்றித்திரிந்த கும்பல் கைது செய்யப்பட்டுள்ளதாக தகவல் வெளியாகி பெரும் பரபரப்பை ஏற்படுத்தி உள்ளது.

புதுக்கோட்டை மாவட்டத்தில் குற்ற செயல்களை கட்டுப்படுத்தும் வகையில்  பல்வேறு முக்கிய இடங்களில் போலீசார் தனிப்படை அமைத்து தீவிரமாக சோதனை செய்து வருகின்றனர்.

புதுக்கோட்டை பேருந்து நிலையம் அருகில் உள்ள தங்கும் விடுதிகளில் போலீசார் திடீர் சோதனை மேற்கொண்டனர். போலீசா நடத்திய சோதனையில் சந்தேகத்துக்கிடமான வகையில் ஐந்து பேர் ஆயுதங்களுடன் தங்கி இருந்த சம்பவம் பெரும் பரபரப்பை ஏற்படுத்தியது.

அதனையடுத்து போலீசார் அவர்களை கைது செய்து காவல் நிலையம் அழைத்து சென்று தீவிரமாக விசாரணை செய்தனர். விசாரணையில் அவர்கள் கடலூர் மாவட்டம் சிதம்பரத்தை சேர்ந்த ஜெயப்பிரகாஷ், மணிகண்ட பிரபு, நெல்லை மாவட்டம் ஆலங்குளத்தை சேர்ந்த சுரேஷ் பாண்டியன், இசக்கி பாண்டியன்,  ராஜா ,வள்ளியிறம் மகாதேவன் ஆகியோர்கள் என்று தெரியவந்துள்ளது.

அவர்களிடமிருந்து அறிவாள் உள்ளிட்ட ஆயுதங்கள் ஆகியவற்றை போலீசார் பறிமுதல் செய்துள்ளனர். ஐந்து பேரும் கூலிப்படையை சேர்ந்தவர்களா? அல்லது ஏதேனும் கொலை குற்றம் செய்துவிட்டு தலைமறைவாக தங்கி இருந்தார்களா? என்ற கோணத்தில் போலீசார் தீவிர விசாரணை மேற்கொண்டு வருவதாக தகவல் வெளியாகி உள்ளது.