மாநில பேரிடர் மீட்பு நிதியின் கொள்கை படி, மாநில அரசு தடுப்பு நடவடிக்கைகளை மேற்கொள்ளவும், பேரிடரில் பாதிக்கப்பட்ட மக்களுக்கு நிவாரண உதவி வழங்கவும், வெப்ப அலை விரைவில் மாநில பேரிடராக அறிவிக்கப்படும் என்று வருவாய்த்துறை அமைச்சர் கேகேஎஸ்எஸ்ஆர் ராமச்சந்திரன் தெரிவித்தார்.

பருவநிலை மாற்றத்தால் கடந்த ஏப்ரல் மற்றும் மே முதல் இரண்டு வாரங்களில் தமிழகம் கடும் வெப்பம் மற்றும் வெப்ப அலைகளை எதிர்கொண்டது. வெப்ப அலைகளால் பாதிக்கப்பட்ட மக்களுக்கு சிகிச்சை அளிக்க அரசு மருத்துவமனைகளில் தண்ணீர் கியோஸ்க்களை நிறுவி, தனிப் பிரிவுகளை உருவாக்கி, வெப்ப நிலையைச் சமாளிக்க மக்களுக்கு உதவ அரசு நடவடிக்கை எடுத்துள்ளது என அமைச்சர் தெரிவித்தார்.

வெப்ப அலைகள் மாநில பேரிடராக அறிவிக்கப்பட்டால் மட்டுமே, தமிழக அரசால் பாதிக்கப்பட்டவர்களுக்கு நிவாரணம் வழங்க முடியும். கோடை காலத்தில், மருத்துவமனைகளில் ORS வழங்குவதற்கும், தண்ணீர் பந்தல்களை அமைப்பதற்கும், சுகாதாரத் துறைக்கு நிதி ஒதுக்கீடு செய்ய முடியும்.

ந்த நிவாரண உதவியில் வெப்ப அலைகளால் இறந்தவர்கள் மற்றும் காயம் அடைந்தவர்களின் குடும்பங்களுக்கு சொலாடியம் மற்றும் வெப்பத்தால் கண்பார்வை இழந்தவர்களுக்கு கருணைத் தொகை போன்றவை அடங்கும்.

சமீபத்தில் "வெப்பத்தை வெல்வது, தமிழ்நாடு வெப்பத்தைத் தணிக்கும் உத்தி” என்ற தலைப்பில் ஒரு அறிக்கையை தமிழக அரசிடம் சமர்ப்பித்தது. மதுரை, சென்னை மற்றும் தூத்துக்குடி மாவட்டங்கள் தீவிர வெப்பத்தால் அதிகம் பாதிக்கப்பட்டுள்ளதாகவும், இது கடந்த 2003 மற்றும் 2023 க்கு இடையில் அதிகரித்துள்ளதாகவும், இரவு வெப்பநிலை கிட்டத்தட்ட பகல்நேர வெப்பநிலைக்கு இணையாக இருப்பதாகவும் அந்த அறிக்கையில் தெரிவிக்கப்பட்டுள்ளது.

தமிழகத்தின் மக்கள்தொகையில் கிட்டத்தட்ட 59 சதவிகிதம் பேர் 35°C க்கும் அதிகமான வெப்பநிலையால்  பாதிக்கப்பட்டுள்ளனர் என்றும், காலநிலை மாற்றத்தால் வெப்பம் தீவிரமடையும் என எதிர்பார்க்கப்படுவதால், மாநிலத்தில் வெப்பத்தைத் தாங்கும் தன்மையை உருவாக்குவது அவசரத் தேவை என்றும் அந்த அறிக்கையில்  தெரிவிக்கப்பட்டுள்ளது.