#BREAKING : தொடரும் இலங்கை கடற்படை அத்துமீறல்.. தமிழக மீனவர்கள் 13 பேர் கைது.!
Tamilnadu fisherman 13 arrested by srilanka coastal guard
தமிழக மீனவர்கள் 13 பேரை எல்லைத் தாண்டி மீன்பிடித்ததாக இலங்கை கடற்படை கைது செய்துள்ளது.
தமிழக மீனவர்கள் எல்லை தாண்டி மீன்பிடித்ததாக இலங்கை கடற்படையினர் அவ்வப்போது தமிழக மீனவர்களை கைது செய்து வருவது தொடர்கதையாகி வருகிறது.
இந்திய கடல் எல்லையில் மீன்பிடித்தாலும் அவர்கள் அத்துமீறி கைது செய்து வருவதாக தமிழக மீனவர்கள் தெரிவித்து வருகின்றனர். இந்த பிரச்சனை காலம் காலமாக தொடர்ந்தாலும் கூட இன்னும் முழுமையாக தீர்வு காணப்படவில்லை.
இந்த நிலையில் நெடுந்தீவு அருகே மீன் பிடித்து கொண்டிருந்த தமிழக மீனவர்கள் 13 பேர் எல்லை தாண்டி மீன்பிடித்ததாக கூறி இலங்கை கடற்படை கைது செய்துள்ளது.
கடந்த 4 நாட்களுக்கு முன்பு ராமேஸ்வரம் மீன்பிடி துறைமுகத்தில் இருந்து மீன் பிடிக்க சென்ற 13 மீனவர்களை எல்லை தாண்டி பிடித்ததாக இலங்கை கடற்படையினர் கைது செய்துள்ளனர். மேலும் 2 விசைப்படகுகளையும் பறிமுதல் செய்துள்ளனர். கைது செய்யப்பட்ட தமிழக மீனவர்கள் காங்கேசன்துறை முகாமிற்கு அழைத்து செல்லப்பட்டுள்ளனர்.
English Summary
Tamilnadu fisherman 13 arrested by srilanka coastal guard