காவிரி ஆற்றில் மூழ்கி 3 மாணவர்கள் பலி - நாமக்கல்லில் சோகம்.!
three college students drowned cauvery river in namakkal
நாமக்கல் மாவட்டத்தில் உள்ள பரமத்திவேலூர் அருகே நகப்பாளையம் பகுதியை சேர்ந்தவர் சின்ராஜ் மகன் வினித் விமல்ராஜ். இவர், தனது நண்பர்களான தர்மபுரியை சேர்ந்த நந்தகுமார் மற்றும் ஆந்திராவை சேர்ந்த ரகுமான் உள்ளிட்டோரை அழைத்துக்கொண்டு நகப்பாளையம் காவிரி ஆற்றில் நேற்று குளிக்கச்சென்றார். நீண்ட நேரமாகியும் மூன்று பேரும் வராததால் விமல்ராஜ் பெற்றோருக்கு சந்தேகம் ஏற்பட்டது.
உடனே அவர்கள் காவிரி ஆற்றுக்கு சென்று பார்த்தபோது அவர்கள் மூன்று பேரின் செருப்புகள் மற்றும் செல்போன்கள் கரையோரம் இருந்தன. இதை பார்த்து அதிர்ச்சி அடைந்த அவர்கள் சம்பவம் குறித்து போலீஸாருக்குத் தகவல் அளித்தனர்.
அதன்படி போலீசார் தீயணைப்புத்துறையினருடன் விரைந்து வந்து மாயமான மாணவர்களை நேற்று முதல் தொடர்ந்து தீவிரமாக தேடி வந்தனர். இந்த நிலையில், ஆற்றில் குளிக்கச் சென்று மாயமான மூன்று மாணவர்களையும் தீயணைப்புத் துறையினர் சடலமாக மீட்டனர்.
தற்போது அவரது உடல்கள் பிரேத பரிசோதனைக்காக அரசு மருத்துவமனைக்கு கொண்டுசெல்லப்பட்டது. ஒரே கல்லூரியில் படித்து வந்த நண்பர்கள் 3 பேர் ஆற்றில் குளிக்கச்சென்று, நீரில் மூழ்கி உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.
English Summary
three college students drowned cauvery river in namakkal