நேருக்கு நேர் மோதிய கார் - பைக் ; 3 பேர் பலி ..!!
three peoples died for accident in sengalpat
செங்கல்பட்டு மாவட்டம் கேளம்பாக்கத்தை அடுத்த தையூர் ஊராட்சியைச் சேர்ந்தவர் ஹரிதாஸ். தனியார் நிறுவனத்தில் பணியாற்றி வந்த இவர் தனது மனைவி மற்றும் மகன்களுடன் நேற்று மாலை திருப்போரூரை அடுத்த காயார் கிராமத்தில் உள்ள தனது மாமியார் வீட்டில் நடைபெற்ற நிகழ்ச்சியில் கலந்து கொள்வதற்காக இருசக்கரவாகனத்தில் சென்றார்.
அதன் படி அவர் நிகழ்ச்சி முடிந்ததும் இரவு 11 மணி அளவில் இருசக்கர வாகனத்தில் மீண்டும் தையூரை நோக்கி வீட்டுக்கு வந்து கொண்டிருந்தார். அப்போது எதிரே வந்த கார் திடீரென இருசக்கர வாகனத்தின் மீது பயங்கரமாக மோதி விபத்துக்குள்ளானது.

இந்த விபத்தில் இருசக்கர வாகனத்தில் வந்த ஹரிதாஸ் குடும்பத்தினர் 3 பேர் சம்பவ இடத்திலேயே பரிதாபமாக உயிரிழந்தனர். மற்றொரு மகன் ஜோ டேனியல் படுகாயமடைந்தார்.
இதைப்பார்த்த அக்கம் பக்கத்தினர் அளித்த தகவலின் படி போலீசார் விரைந்து வந்து 3 பேரின் உடல்களையும் மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர். இந்த விபத்தால் அப்பகுதியில் சிறிதுநேரம் போக்குவரத்து பாதிக்கப்பட்டது. இதுகுறித்து காயார் போலீசார் வழக்கு பதிவு செய்து விசாரணை நடத்தி வருகின்றனர்.
English Summary
three peoples died for accident in sengalpat