முருகப்பெருமானின் அறுபடை வீடுகளில் இரண்டாமதாக விளங்கும் திருச்செந்தூர் சுப்பிரமணிய சுவாமி கோவில், ஆன்மிக சுற்றுலா தலமாகவும், சிறந்த பரிகார தலமாகவும் பரவலாக அறியப்படுகிறது. நாள்தோறும் ஆயிரக்கணக்கான பக்தர்கள் தரிசனம் செய்ய வருவதை வழக்கமாகக் காணலாம்.

விடுமுறை & சுபமுகூர்த்த நாளில் பக்தர்கள் திரளினர்

இன்று (ஞாயிற்றுக்கிழமை) விடுமுறை மற்றும் சுபமுகூர்த்த நாளாக இருப்பதால், மாநிலத்தின் பல்வேறு பகுதிகளிலிருந்து வந்த ஏராளமான பக்தர்கள், அதிகாலை முதலே திருச்செந்தூர் முருகன் கோவிலில் கூட்டமாக திரண்டனர்.

பக்தர்கள் கடலில் மற்றும் நாழிக்கிணறு புனித தீர்த்தத்தில் நீராடி, நீண்ட வரிசையில் பல மணி நேரம் காத்திருந்து சாமி தரிசனம் செய்தனர்.திருமண நாள் என்பதால், கோவில் வளாகத்தில் பல்வேறு திருமணங்கள் நடைபெற்றன. கோவில் சார்பில் பதிவு செய்யப்பட்ட மணமக்களுக்கு அரசு அனுமதியுடன் சிறப்பு சிர்வரிசை திருமண ஏற்பாடுகளும் செய்யப்பட்டன.இதனால் கோவில் அலைமோதும் கூட்டத்துடன், ஆன்மிக பரவசம் கொண்ட சூழ்நிலை உருவாகியது.

கோவில் வழக்கமான பூஜை நேரங்கள்

கோவில் நடை அதிகாலை 4 மணிக்கு திறக்கப்பட்டது
4.30 AM – விஸ்வரூபம்
6.00 AM – உதயமார்த்தாண்ட அபிஷேகம்
தொடர்ந்து மற்ற கால பூஜைகள் சிறப்பாக நடைபெற்றன

திருச்செந்தூர் கோவில், பக்தர்களுக்கு நம்பிக்கையும் ஆன்மிகத் திருப்தியையும் அளிக்கும் தலமாக, அன்றாடம் அதிக எண்ணிக்கையில் பக்தர்கள் வந்து முருகன் அருளைப் பெறுகிறார்கள்!