அடுத்த 3 மணி நேரத்தில் 18 மாவட்டங்களில் "இடி மின்னலுடன் மழை"..! வானிலை ஆய்வு மையம்

தமிழகத்தில் அடுத்த மூன்று மணி நேரத்தில் 18 மாவட்டங்களில் இடி மின்னலுடன் கூடிய மிதமான மழை பெய்யக்கூடும் என்று வானிலை ஆய்வு மையம் தெரிவித்துள்ளது.

தென் இந்திய பகுதிகளின் மேல் வளி மண்டலத்தின் கீழடுக்குகளில் கிழக்கு திசை காற்றும், மேற்கு திசை காற்றும் சந்திக்கும் பகுதி நிலவுகிறது. இதன் காரணமாக, இன்று தமிழ்நாடு, புதுச்சேரி மற்றும் காரைக்கால் பகுதிகளில் ஒருசில இடங்களில் இடி மின்னல் மற்றும் பலத்த காற்றுடன் (மணிக்கு 30 கிலோமீட்டர் முதல் 40 கிலோமீட்டர் வரை) லேசானது முதல் மிதமான மழை பெய்யக்கூடும் என்று சென்னை வானிலை ஆய்வு மையம் அறிவித்துள்ளது.

இந்நிலையில், அடுத்த 3 மணி நேரத்தில் 18 மாவட்டங்களில் இடி மின்னலுடன் கூடிய மிதமான மழை பெய்யக்கூடும் என்று சென்னை வானிலை ஆய்வு மையம் தெரிவித்துள்ளது. இதன்படி, கன்னியாகுமரி, திருநெல்வேலி, தூத்துக்குடி, தேனி, தென்காசி, விருதுநகர், மதுரை, திண்டுக்கல், சிவகங்கை, பெரம்பலூர், ராமநாதபுரம், புதுக்கோட்டை, தஞ்சாவூர், நீலகிரி, ஈரோடு, கோயம்புத்தூர், திருப்பூர், மற்றும் நாமக்கல் ஆகிய 18 மாவட்டங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும் என்று தெரிவிக்கப்பட்டுள்ளது.