அடுத்த 3 மணி நேரத்தில் கொட்ட போகும் மழை.! எந்த மாவட்டங்களில் தெரியுமா?

அடுத்த மூன்று மணி நேரத்தில் ஆறு மாவட்டங்களில் லேசான மழைக்கு வாய்ப்புள்ளதாக சென்னை வானிலை மையம் தகவல் தெரிவித்துள்ளது.

மேற்கு திசையில் இருந்து வீசும் காற்றின் மாறுபாடு காரணமாக, தமிழகத்தில் சில இடங்களில் மழை பெய்து வருகிறது. அதிலும் குறிப்பாக நீலகிரி, கோவை, நாமக்கல் உள்ளிட்ட மாவட்டங்களில் அதிகபட்சமாக மழை பதிவானது. ஒரு சில இடங்களில் அவ்வப்போது கனமழையும் கொட்டித் தீர்த்து வருகிறது.

இந்த நிலையில், மேற்கு திசை காற்றின் வேகமாறுபாடு காரணமாக தமிழகத்தில் இன்று ஒருசில இடங்களிலும், புதுச்சேரி மற்றும் காரைக்கால் உள்ளிட்ட பகுதிகளில் இடியுடன் கூடிய லேசான மழைக்கு வாய்ப்புள்ளதாகவும் வானிலை ஆய்வு மையம் தெரிவித்துள்ளது.

அதன் படி, அடுத்த மூன்று மணி நேரத்தில் தமிழகத்தில் சென்னை, செங்கல்பட்டு, திருவள்ளூர், காஞ்சிபுரம், ராணிப்பேட்டை மற்றும் திருவண்ணாமாலை உள்ளிட்ட ஆறு மாவட்டங்களில் மிதமான மழை பெய்ய வாய்ப்புள்ளதாகவும் சென்னை வானிலை ஆய்வு மையம் தெரிவித்துள்ளது.