இலங்கையில் இருந்து அகதிகளாக ஆஸ்திரேலியாவுக்கு செல்ல முயன்ற 67 பேர் கைது.. இலங்கை கடற்படை.!

திரிகோணமலை சல்லி கடற்பகுதியில் 67 பேரை கைது செய்தது இலங்கை கடற்படை.

இலங்கையில் ஏற்பட்டுள்ள கடுமையான பொருளாதார வீழ்ச்சி காரணமாக அங்கு வசிக்கும் மக்கள் உணவு மற்றும் அத்தியாவசிய பொருட்கள் கிடைக்காமல் கடும் சிரமத்திற்கு ஆளாகி வருகின்றனர்.

இதனால் இலங்கை மக்கள் அகதிகளாக பிற நாடுகளில் தஞ்சமடைந்து வருகின்றனர். அவ்வப்போது கடல் வழியாக பிற நாடுகளுக்கு அகதிகளாக செல்லும் சிலர் கைதும் செய்யப்படுகின்றனர்.

அந்த வகையில் தற்போது இலங்கையிலிருந்து ஆஸ்திரேலியாவுக்கு அகதிகளாக செல்ல முயன்ற 67 பேர் கைது செய்யப்பட்டுள்ளனர். இலங்கையில் திருகோணமலை கடற்பகுதி வழியாக ஆஸ்திரேலியா நாட்டுக்கு அகதிகளாக தப்ப முயன்ற 3 குழந்தைகள் உட்பட 67 பேரை இலங்கை கடற்படை கைது செய்துள்ளது.