லாரி- மினி பேருந்து மோதி கோர விபத்து: 25 சுற்றுலா பயணிகள் பரிதாப பலி!

பிரேசில், பாஷியா பகுதியில் உள்ள கடற்கரைக்கு ஒரு மினி பேருந்தில் சென்ற சுற்றுலா பயணிகள் சுற்றுலாவை முடித்துவிட்டு திரும்பிக் கொண்டிருந்தனர்.

மினி பேருந்து ஜெக்குயூப் நகர் அருகே சென்று கொண்டிருந்தபோது லாரி திடீரென மினி பேருந்து மீது மோதி விபத்துக்குள்ளானது.

இந்த விபத்தில் 25 பேர் சம்பவ இடத்திலேயே பரிதாபமாக உயிரிழந்து விட்டனர். 6 பேர் படுகாயம் அடைந்தனர். இது குறித்து தகவல் அறிந்த போலீசார் சம்பவ இடத்திற்கு விரைந்து சென்று படுகாயம் அடைந்தவர்களை மீட்டு மருத்துவமனைக்கு சிகிச்சைக்காக அனுப்பி வைத்தனர்.

மேலும் உயிரிழந்தவர்களின் உடல்களை பிரேத பரிசோதனைக்காக மருத்துவமனைக்கு அனுப்பி வைத்தனர். 25 பேர் உயிரிழந்ததை தொடர்ந்து ஜாக்கோபினா நகராட்சி 3 நாட்களுக்கு தொடர்ந்து துக்கம் அனுசரிக்கப்படும் என அறிவித்துள்ளது.

இந்த விபத்து தொடர்பாக போலீசார் வழக்கு பதிவு செய்து, வாகனங்கள் முந்தி செல்லும்போது இந்த விபத்து ஏற்பட்டு இருக்கலாம் என தெரிவித்துள்ளனர்.