வட கொரிய அதிபராக கிம் ஜாங் உன் பதவி ஏற்று 10 ஆண்டுகள் நிறைவு! அணு ஆயுத சோதனையை வெற்றிகரமாக நிறைவேற்றியதாக கருத்து.!

வட கொரிய அதிபராக கிம் ஜாங் உன் பதவியேற்ற பின் அணு ஆயுத சோதனைகள் வெற்றிகரமாக நடத்தப்பட்டதாக அதிகாரிகள் தெரிவித்தனர்.

வடகொரியா அதிபராக கிம் ஜாங் உன் பதவியேற்ற 10 ஆண்டுகள் ஆனதையொட்டி கட்சியின் தேசிய பொதுக்கூட்டம் நடைபெற்றது. அந்த கூட்டத்தில் அதிபரின் படம் திறந்து வைக்கப்பட்டது. நிகழ்ச்சியில் பேசிய அதிகாரிகள், கிம் ஜாங் உன் ஆட்சி செய்த பத்தாண்டுகளில் அணு ஆயுத சோதனைகள் வெற்றிகரமாக நடத்தப்பட்டதாக தெரிவித்தனர்.

இதுவரை வடகொரியா நடத்தியுள்ள 6 அணு ஆயுத சோதனையில் 4 சோதனைகள் கிம் ஜாங் உன் ஆட்சிக் காலத்தில் நடந்தவை என்பது குறிப்பிடத்தக்கது.