தென் ஆப்பிரிக்காவில் 70 ஆண்டு பழமையான ஹிந்து கோவில் சேதம்.! 45 பேர் பலி., இயற்கையின் கோரத்தாண்டவம்.!

தென் ஆப்பிரிக்காவின் டர்பன் மாகாணம் குவாஹுலு-நடாலா நகரில் நேற்று முன்தினம் இரவு முதல் கனமழை வெளுத்து வாங்குகிறது.

இதில், சாட்ஸ்வர்த் நகரில் 70 ஆண்டு பழமையான இந்து கோயில் கனமழை காரணமாக முழுமையாக சேதமடைந்துள்ளது.

கனமழை காரணமாக அந்த நகரில் பல்வேறு பகுதிகளிலுள்ள ஆறுகளில் வெள்ளப்பெருக்கு ஏற்பட்டு குடியிருப்பு பகுதிகளில் வெள்ளம் சூழ்ந்துள்ளது. மேலும், அந்த நகரில் சில பகுதிகளில் நிலச்சரிவுகளும் ஏற்பட்டுள்ளது.

வெள்ளப்பெருக்கு மற்றும் நிலச்சரிவால் பல வீடுகள் சேதமடைந்து சாலைகள் துண்டிக்கப்பட்டுள்ளது. மேலும், ஆயிரக்கணக்கான பொது மக்கள்கள் வீடுகளை விட்டு வெளியேறி முகாம்களில் தங்கி வருகின்றனர்.

இதற்கிடையே வெள்ளம், நிலச்சரிவில் சிக்கி இதுவரை 45 பேர் உயிரிழந்துள்ளனர். ஏராளமானோர் காயமடைந்துள்ளனர். மாயமான பலரை தேடும் பணியில் மீட்புக்குழு ஈடுபட்டு வருகிறது.