வடகொரியாவிற்கு பதிலடி - வருடாந்திர ராணுவ பயிற்சியை தொடங்கிய தென் கொரியா

அமெரிக்கா மற்றும் தென் கொரியா கூட்டு போர் பயிற்சியில் ஈடுபட்டதையடுத்து வடகொரியா தனது எல்லைப் பகுதியில் ஏவுகணை சோதனை நடத்தி அச்சுறுத்தி வருகிறது. மேலும் கடந்த 2 வாரங்களாக ஜப்பான் மற்றும் தென் கொரியா எல்லைப் பகுதிகளில் வடகொரியா ஏவுகணை சோதனைகளை தொடர்ந்து நடத்தி வருகிறது.

கடந்த 2 வாரத்தில் மட்டும் 8 முறை ஏவுகணைகளை சோதனை செய்துள்ளது. இந்நிலையில் வடகொரியாவின் அணு ஆயுதம் மற்றும் ஏவுகணைகளின் அச்சுறுத்தலுக்கு பதிலடி கொடுக்கும் வகையில் தென்கொரியா ஹோகு என்ற வருடாந்திர ராணுவ பயிற்சியை தொடங்கியுள்ளது.

இதையடுத்து முப்படைகளும் பங்குபெறும் இந்த ராணுவ பயிற்சியின் மூலம், போரின் போது ராணுவத்தின் தயார் நிலையை மேம்படுத்தவும், செயல்திறனை வளர்க்கவும் முடிவு செய்துள்ளது. மேலும் இந்த பயிற்சி இன்று முதல் அக்டோபர் 28ஆம் தேதி வரை நடைபெறும் என்று தெரிவிக்கப்பட்டுள்ளது.