பாகிஸ்தானில் பயங்கரவாதி ஹபீஸ் சயீத் தலைமையில் லஷ்கர் - இ - தொய்பா பயங்கரவாத அமைப்பு செயல்படுகிறது. கடந்த 2008 நவம்பரில், மும்பையில் நடந்த பயங்கரவாத தாக்குதல்களுக்கு ஹபீஸ் சயீத் மூளையாகச் செயல்பட்டான்.

ஹபீஸ் சயீதின் நம்பிக்கைக்குரியவராக இருந்த பயங்கரவாதி ஜியா உர் ரெஹ்மான்.  இவர் ஜம்மு - காஷ்மீரில் நடந்த பல்வேறு பயங்கரவாத தாக்குதல்களுக்கு மூளையாகச் செயல்பட்ட லஷ்கர் - இ - தொய்பா பயங்கரவாத அமைப்பின் முக்கிய தளபதி. 43 வயதான இவன்   பாகிஸ்தானின் பஞ்சாப் மாகாணத்தின் ஜீலம் என்ற பகுதியில், மர்ம நபர்களால் நேற்று சுட்டுக் கொல்லப்பட்டுள்ளதாக கூறப்படுகிறது.

பயங்கரவாதி ஜியா உர் ரெஹ்மான் குறித்து, இந்திய பாதுகாப்பு படை அதிகாரிகள் கூறியதாவது:

ஜம்மு - காஷ்மீரின் பூஞ்ச், ரஜோரி ஆகிய பகுதிகளில் நடந்த பயங்கரவாத தாக்குதல்களுக்கு, ஜியா உர் ரெஹ்மான் மூளையாகச் செயல்பட்டார் எனவும், பூஞ்ச், ரஜோரியில் நெட்வொர்க்கை உருவாக்கி, தாக்குதல்களைர நடத்தியதாகவும் குறிப்பிட்டுள்ளனர்.

அத்துடன், கடந்த, 2024 ஜூன் 09-இல், பிரதமர் மோடி தலைமையிலான அரசு மூன்றாவது முறையாக பதவியேற்ற போது, ரியாசி மாவட்டத்தில் பக்தர்கள் சென்ற வாகனம் மீது தாக்குதல் நடத்தியதில், ஒன்பது பேர் உயிரிழந்தனர். இந்த கொடூர தாக்குதலை திட்டமிட்டு நடத்தியவர் ஜியா உர் ரெஹ்மான் என அதிகாரிகளால் தெரிவித்துள்ளனர்.