தாய்லாந்த் காவல்படை பாராசூட் பயிற்சியின் போது விபத்து... விமானம் நொறுங்கியதில் 6 பேர் பலி...!

தாய்லாந்து நாட்டின் பெட்ஷப்ரி மாகாணம் சம்-அம் மாவட்டம் ஹு-ஹன் விமான நிலையத்திலிருந்து நேற்று, காவல் விமானப்படை பிரிவுக்கு சொந்தமான சிறிய ரக விமானம் புறப்பட்டது.

இதில், பாராசூட் பயிற்சிக்கு புறப்பட்ட அந்த விமானத்தில், விமானி மற்றும் போலிஸ் சிறப்புப்படை அதிகாரிகள் உள்பட 6 பேர் பயணித்தனர்.

மேலும், பாராசூட் பயிற்சிக்கு விமானம் பெட்ஷப்ரி மாகாணத்திலுள்ள கடற்பரப்பில் பறந்துகொண்டிருந்தது. அப்போது, விமானியின் கட்டுப்பாட்டை இழந்த விமானம் கடலில் விழுந்து விபத்துக்குள்ளானது.

இந்த விமானத்தில் பயணித்த 6 பேரும் விபத்தில் உயிரிழந்தனர்.பிறகு இவ்விபத்து குறித்து தகவலறிந்த மீட்புக்குழுவினர் உயிரிழந்த 6 பேரின் உடலையும் கடலில் இருந்து மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர்.

மேலும், இந்த விபத்துக்கான காரணம் குறித்து காவலர்கள் விசாரணை நடத்தி வருகின்றனர்.இந்த விபத்து சற்று சோகத்தை ஏற்படுத்தியுள்ளது.