இந்தியாவின் டியார் சந்தையில் 2025 ஜனவரி முதல் பெரிய மாற்றங்கள் ஏற்படும் என எதிர்பார்க்கப்படுகிறது. புதிய கார்களின் விலை உயர்த்தப்படுவதால், யூஸ்டு கார்களின் மீது அதிக எதிர்பார்ப்பு இருந்த நிலையில், அதற்கும் அதிர்ச்சி தகவல் வெளியாயுள்ளது.

புதிய கார்களின் விலை உயர்வு:

மாருதி சுஸுகி (Maruti Suzuki), ஹூண்டாய் (Hyundai) உள்ளிட்ட பல்வேறு நிறுவனங்கள், 2025 முதல் புதிய கார்களின் விலையை உயர்த்தும் திட்டத்தை அறிவித்துள்ளன. உற்பத்தி செலவுகள் மற்றும் பொருளாதார சவால்கள் காரணமாக விலை உயர்த்தப்படுவதாகத் தெரிவிக்கப்பட்டுள்ளது.

இது புதிய கார்களை வாங்க திட்டமிட்டவர்களிடையே ஏற்கனவே நெருக்கடியை உருவாக்கிய நிலையில், யூஸ்டு கார்களின் மீது கவனம் திரும்பியது. ஆனால், தற்போது அதற்கும் பிரச்சனைகள் உருவாகியுள்ளன.

யூஸ்டு கார் ஜிஎஸ்டி வரி மாற்றம்:

தற்போதைய ஜிஎஸ்டி விதிப்பின் கீழ், 4 மீட்டருக்கும் குறைவான நீளத்துடன் குறைந்த திறன் கொண்ட பெட்ரோல், டீசல் மற்றும் எலெக்ட்ரிக் யூஸ்டு கார்களுக்கு 12% ஜிஎஸ்டி விதிக்கப்படுகிறது. மற்ற எல்லா வகையான யூஸ்டு கார்களுக்கு 18% ஜிஎஸ்டி விதிக்கப்படுகிறது.

ஆனால், ஜிஎஸ்டி கவுன்சிலின் அடுத்த கூட்டத்தில் (டிசம்பர் 21) அனைத்து வகையான யூஸ்டு கார்களுக்கும் ஒரே மாதிரி 18% ஜிஎஸ்டி விதிக்க திட்டமிடப்பட்டுள்ளதாக தகவல்கள் வெளியாகியுள்ளன.

அதிர்ச்சியில் யூஸ்டு கார் சந்தை:

இதேநிலையில் 12% ஜிஎஸ்டி வரி விதிப்பின் கீழ் உள்ள கார்களின் விலை, 18% ஜிஎஸ்டி விதிப்பால் உயர்வதற்கான வாய்ப்புகள் உள்ளன. இதனால், குறிப்பாக யூஸ்டு காம்பேக்ட் செடான், எஸ்யூவி மற்றும் ஹேட்ச்பேக் ரக கார்கள் விலை அதிகரிக்கும்.

அதுமட்டுமல்லாமல், யூஸ்டு எலெக்ட்ரிக் கார்களின் விலையும் உயர்வதற்கான சாத்தியங்கள் உள்ளன. இது, பணத்தைச் சேமிக்க யூஸ்டு கார்களை தேர்வு செய்யும் மக்களை சிக்கலில் ஆழ்த்துகிறது.

அதிர்வுகளை சந்திக்கும் சந்தை:

புதிய கார்களின் விலை உயர்வால், யூஸ்டு கார்களின் விற்பனை அதிகரிக்கும் என எதிர்பார்க்கப்பட்டது. ஆனால், ஜிஎஸ்டி மாற்றத்தால் இந்த எதிர்பார்ப்பு முழுமையாக மாறி விடலாம். யூஸ்டு கார்களின் விற்பனை குறையுமா? என்ற கேள்வி தற்போது டீலர்கள் மத்தியில் பெரும் கவலையை ஏற்படுத்தியுள்ளது.

தீர்மானிக்கும் கூட்டம்:

ஜிஎஸ்டி கவுன்சிலின் டிசம்பர் 21 கூட்டத்தில், ஜிஎஸ்டி வரியில் மாற்றம் செய்வதற்கான முடிவு எடுக்கப்படலாம். இதன் முடிவை பொறுத்து, 2025 ஆம் ஆண்டு இந்திய கார் சந்தை முக்கியமான திருப்பத்தை சந்திக்க வாய்ப்பு உள்ளது.

வாகனக் கைதேர்வுக்கு முக்கிய அறிவுரை:

• புதிய கார்கள்: தாமதிக்காமல், தற்போதைய விலையில் வாங்குவதே சிறந்தது.
• யூஸ்டு கார்கள்: டிசம்பர் 21 வரை காத்திருந்து ஜிஎஸ்டி முடிவை பொருத்து வாங்குவது மேல்.

மக்களுக்கு உதவியாய்: விலை உயர்வுக்கு முந்தைய சலுகைகளை பயன்படுத்தி வாகனங்களை வாங்குவது, செலவுகளை குறைக்கும் வழியாக அமையும்.