ஐ.பி.எல் தொடரின் 36-வது லீக் போட்டி ராஜஸ்தானின் ஜெய்ப்பூரில் இன்று நடைபெற்றது. இதில் ராஜஸ்தான் மற்றும் லக்னோ அணிகள் மோதின. முதலில் டாஸ் வென்ற லக்னோ அணி, பேட்டிங் தேர்வு செய்தது. 

அதன்படி, களமிறங்கிய லக்னோ அணி சார்பில், மார்ஷ் (4), நிகோலஷ் பூரன் (11), பன்ட் (3) ஆகியோர் சொற்ப ரன்களில் ஆட்டமிழந்து வெளியேறினர். அடுத்து 31 பந்துகளில் அரைசதம் அடித்த மார்க்ரம், 66 ரன்களில் ஆட்டமிழந்தார். அவரைத் தொடர்ந்து, இளம் வீரர் பதோனியும் அரைசதம் (50) அடித்த அடுத்த பந்திலேயே விக்கெட்டை இழந்தார்.

இறுதியில் அப்துல் சமாத் 27 ரன்களை குவித்தார். இதனால், 20 ஓவர்கள் முடிவில் 05 விக்கெட் இழப்பிற்கு 180 ரன்கள் சேர்த்தது. ராஜஸ்தான் அணியில் ஹசரங்கா 02 விக்கெட்டுகளும், சந்தீப் ஷர்மா, தேஷ்பாண்டே, ஆர்ச்சர் தலா ஒரு விக்கெட்டையும் கைப்பற்றினர்.

அடுத்து, 181 ரன்கள் என்ற வெற்றி இலக்குடன் களம் இறங்கிய ராஜஸ்தான் அணியில் 14 வயதே ஆன வைபவ் சூர்யவன்ஷி இம்பேக்ட் வீரராக களமிறங்கியுள்ளார். இவர் 26 ரன்களில் ஆட்டமிழந்தார். அடுத்து, ஜெய்ஸ்வால் 74 ரன்களில்ஆட்டமிழந்தார். 39 ரன்கள் எடுத்திருந்த ரியான் பரோக் 39 ரன்கள், ஹெட்மயர் 12 ரன்களில் ஆட்டமிழந்தனர்.

இறுதியில் 20 ஓவர்களில் 05 விக்கெட் இழப்பிற்கு ராஜஸ்தான் அணி 178 ரன்கள் எடுத்தது. ஜூரேல் 06 ரன்களிலும், துபே 02 ரன்களிலும் ஆட்டமிழக்காமல் இருந்தனர். இதையடுத்து 02 ரன்கள் வித்தியாசத்தில் லக்னோ அணி வெற்றி பெற்றது.

இறுதி ஓவரில் ஆவேஷ் கான் ஓவரில் 02 ரன்கள் வித்தியாசத்தில், திரில் வெற்றி பெற்றது லக்னோ அணி. ஆவேஷ் கான் 04 ஓவர் பந்து வீசி 03 விக்கெட்டுகளை கைப்பற்றினார்.