வெப்சீரிஸில் அறிமுகமாகும் அஞ்சலி.! அதிகாரப்பூர்வ அறிவிப்பை வெளியிட்ட படக்குழு.!
Anjali in new web series
கோலிவுட் சினிமாவில் பிரபல நடிகையாக இருப்பவர் அஞ்சலி. இவர் தமிழ் சினிமாவில் கடந்த 2010ஆம் ஆண்டு இயக்குனர் வசந்தபாலன் இயக்கிய அங்காடித்தெரு திரைப்படத்தின் மூலம் தமிழ் சினிமாவில் நடிகையாக அறிமுகமானார்.
அதனைத் தொடர்ந்து எங்கேயும் எப்போதும், மங்காத்தா, கலகலப்பு உள்ளிட்ட திரைப்படங்களில் நடித்ததன் மூலம் தமிழ் சினிமாவின் பிரபல நடிகையானார். சமீபத்தில் இவருடைய உடல் எடை கூடி பட வாய்ப்புகளை இழந்த நிலையில் தற்போது மீண்டும் உடல் எடையை குறைத்து திரைப்படங்களில் மீண்டும் நடிக்கத் தொடங்கியுள்ளார்.
இந்த நிலையில் தமிழில் சமர், நான் சிகப்பு மனிதன், மிஸ்டர் சந்திரமௌலி ஆகிய திரைப்படங்களை இயக்கிய இயக்குனர் திரு, 'ஜான்சி' என்ற புதிய வெப் சீரிஸை இயக்கவுள்ளார். இதில் கதாநாயகியாக நடிகை அஞ்சலி நடிக்க உள்ளார்.
மேலும், இந்த வெப் சீரிஸை நடிகர் கிருஷ்ணா தயாரிக்க உள்ளார். இந்த வெப் சீரியஸ் டிஸ்னி ப்லஸ் ஹாட்ஸ்டாரில் வெளியாக உள்ளது குறிப்பிடத்தக்கது.