விஜய்க்கு பிறந்த நாள் சர்ப்ரைஸ் கொடுத்த வெங்கட் பிரபு - என்ன தெரியுமா?
director venkat prabhu shared goat movie shorts for vijay birthday
பிரபல நடிகர் விஜய், வெங்கட் பிரபு இயக்கும் 'தி கிரேட்டஸ்ட் ஆப் ஆல் டைம்' படத்தில் நடித்து வருகிறார். இந்தப் படத்தில் இவருடன் பிரசாந்த், மோகன், பிரபுதேவா, ஜெயராம், கணேஷ், யோகிபாபு, அஜ்மல் அமீர், சினேகா, லைலா, மீனாட்சி சவுத்ரி உள்ளிட்ட பலர் நடிக்கின்றனர்.
ஏஜிஎஸ் என்டர்டெயின்மெண்ட் நிறுவனம் தயாரிப்பில், யுவன் சங்கர் ராஜா இசையில் உருவாகி வரும் இந்த திரைப்படம் செப்டம்பர் 5ம் தேதி வெளியாகும் என அறிவிக்கப்பட்டுள்ளது. இந்த படத்தின் 2வது பாடல் விஜய் பிறந்தநாளை முன்னிட்டு நேற்று மாலை வெளியாகும் என படக்குழு தெரிவித்திருந்தது. அதன் படி நேற்று பாடலும் வெளியிடப்பட்டது.
இந்த நிலையில், 'கோட்' படத்தின் புதிய அப்டேட்டை இயக்குனர் வெங்கட் பிரபு வெளியிட்டிருந்தார். இதுதொடர்பாக அவர் தனது எக்ஸ் வலைதளத்தில், "தளபதி விஜய் பிறந்தநாளுக்கு சர்ப்ரைஸ் வேணாமா..?. அனைவரையும் இரவு 12.01க்கு சந்திக்கிறோம்', என்று பதிவிட்டிருந்தார்.
அந்த அறிவிப்பின் படி இயக்குனர் வெங்கட் பிரபு நடிகர் விஜயின் 50-வது பிறந்த நாளை ஒட்டி, அவருக்கு வாழ்த்து தெரிவித்து 'கோட்' படத்தின் ஷார்ட்ஸ் வீடியோ ஒன்றை வெளியிட்டுள்ளார். இதுதொடர்பாக அவர் தனது எக்ஸ் வலைதளத்தில், பிறந்தநாள் வாழ்த்துக்கள் 'தி கோட்' விஜய் அண்ணா, லவ் யு அண்ணா.. நாளை சந்திப்போம் என்று பதிவிட்டுள்ளார்.
இந்த ஷார்ட்ஸ் வீடியோவை, நடிகர் விஜயின் ரசிகர்கள் சமூக வலைதளங்களில் பகிர்ந்து கொண்டாடி வருகின்றனர். மேலும், கோட் படத்தின் அடுத்த அப்டேட்டிற்கு எதிர்பார்ப்போடு இருக்கின்றனர்.
English Summary
director venkat prabhu shared goat movie shorts for vijay birthday