வெங்கட் பிரபு இயக்கத்தில் நடிகர் விஜய் நடிக்கும் திரைப்படம் கோட். இந்தப் படத்தில் பிரசாந்த், மோகன், பிரபுதேவா, ஜெயராம், கணேஷ், யோகிபாபு, அஜ்மல் அமீர், சினேகா, லைலா, மீனாட்சி சவுத்ரி உள்ளிட்ட பலர் நடித்துள்ளனர். ஏஜிஎஸ் என்டர்டெயின்மெண்ட் நிறுவனம் தயாரிக்கும் இந்த படத்திற்கு யுவன் சங்கர் ராஜா இசையமைக்கிறார்.

தற்போது இந்தப் படத்தின் படப்பிடிப்பு முடிவடைந்து, தொழில்நுட்ப பணிகள் நடைபெற்று வருகிறது. இதற்கிடையே, இந்தப்படத்தின் முதல் பாடலான 'விசில் போடு' வெளியாகி ரசிகர்களிடையே கலவையான விமர்சனங்களைப் பெற்றது. தொடர்ந்து இரண்டாவது பாடலான 'சின்ன சின்ன கண்கள்' கடந்த ஜூன் மாதம் விஜய்யின் பிறந்த நாளை முன்னிட்டு வெளியானது. 

இந்த நிலையில், இந்தப் படத்தின் 3வது பாடல் ஆகஸ்ட் மூன்றாம் தேதி வெளியாகும் என்று படக்குழு அறிவித்துள்ளது. இந்த படத்தில் இடம் பெற்றுள்ள இரண்டு பாடல்கள் ஏற்கனவே வெளியாகி நல்ல வரவேற்பை பெற்ற நிலையில் இந்த படத்தின் அடுத்த பாடலுக்கான புரோமோ வீடியோ தற்பொழுது வெளியாகியுள்ளது. இந்தப் பாடலிற்கு ஸ்பார்க் என்று தலைப்பிட்டுள்ளனர். 

இந்தப் பாடலின் லிரிக் வீடியோ நாளை மாலை 6 மணிக்கு வெளியாகும் என்று படக்குழுவினர் அறிவித்துள்ளனர். இந்தப்பாடலை யுவன் ஷங்கர் ராஜா மற்றும் விருஷா பாலி இணைந்து பாடியுள்ளனர். கங்கை அமரன் பாடல் வரிகளை எழுதியுள்ளார்.