தமிழ் சினிமாவின் முன்னணி நடிகரான விஜய் இயக்குநர் வெங்கட்பிரபு இயக்கத்தில் உருவாகி இருக்கும் ‘GOAT' படத்தில் நடித்துள்ளார். இந்தப் படத்தின் படப்பிடிப்பு அனைத்தும் முடிவடைந்த நிலையில் தற்போது போஸ்ட் புரொடக்‌ஷன் பணிகள் விறுவிறுப்பாக தொடங்கியுள்ளது. 

இந்தப் படத்தில் இருந்து இரண்டாவது சிங்கிள் அடுத்த மாதம் நடிகர் விஜயின் பிறந்தநாளை முன்னிட்டு வெளியாக இருக்கும் நிலையில், ரசிகர்களை குஷிப்படுத்தும் விதமாக தயாரிப்பு தரப்பு புகைப்படம் ஒன்றைப் பகிர்ந்துள்ளது. அதாவது, படப்பிடிப்புத் தளத்தில் நடிகர் விஜய், இயக்குநர் வெங்கட்பிரபுவுடன் அமர்ந்து மானிட்டரைப் பார்க்கும்படி உள்ளது.

இதனைப் படத்தின் தயாரிப்பாளர் ஐஸ்வர்யா கல்பாத்தி தனது சமூகவலைதளப் பக்கத்தில் பகிர்ந்து, “‘GOAT' படப்பிடிப்புத் தளத்தில் விஜய் சார். எனக்குப் பிடித்த எல்லோரும் இங்கு இருக்கிறார்கள்” என்று தெரிவித்துள்ளார். இந்தப் படத்தில் நடிகர்கள் பிரபுதேவா, லைலா, மோகன், சிநேகா எனப் பல நட்சத்திரங்கள் நடிக்கின்றனர்.

இந்தப் படம் வரும் செப்டம்பர் 5 அன்று வெளியிட திட்டமிடப்பட்டுள்ளது. இதை அடுத்து, நடிகர் விஜய் தன்னுடைய 69வது படத்தில் கவனம் செலுத்த இருக்கிறார். ஹெச். வினோத் இயக்கும் இந்தப் படம் அரசியல் கதைக்களத்தை மையமாகக் கொண்டது என்பது குறிப்பிடத்தக்கது.