சிவகார்த்திகேயன் - சுதா கொங்காரா கூட்டணியில் உருவாகும் 'SK-25' சிவாஜி கணேசனின் பட தலைப்பா?

அமரன் பட வெற்றியை தொடர்ந்து, சிபி சக்கரவர்த்தி இயக்கத்தில் சிவகார்த்திகேயன் தனது 24-வது படத்தில் நடித்து வருகிறார்.

அடுத்து சுதா கொங்காரா இயக்கத்தில் சிவகார்த்திகேயன் தனது 25-வது படத்தில் நடிக்கிறார் என்று படக்குழு கடந்த மாதம் அதிகாரப்பூரவமாக அறிவித்தது. இப்படத்தை டான் பிக்சர்ஸ் தயாரிக்கிறது.

இந்த படத்தில் ரவி மோகன் மற்றும் அதர்வா முக்கிய கதாபாத்திரங்களில் நடிக்கின்றனர். நாயகியாக ஸ்ரீலீலா நடிக்கிறார். இப்படத்திற்கு ஜிவி பிரகாஷ் இசையமைக்கிறார்.

இப்படம் சிவகார்த்திகேயனுக்கு 25-வது படமாகவும், ஜி.வி.பிரகாஷ்க்கு 100-வது படமாகவும் இப்படம் அமைவது குறிப்பிடத்தக்கது. சுமார் ரூ.150 கோடி பட்ஜெட்டில் இந்த படத்தின் பூஜை விழா சமீபத்தில் நடைப்பெற்றது.