தமிழ்ச் சினிமாவில் பிரபல முன்னணி நடிகராக வலம் வருபவர் 'சூர்யா'. இவரின் நடிப்பில் கடைசியாக 'கங்குவா' திரைப்படம் வெளிவந்தது. பெரும் எதிர்பார்ப்பைக் கொண்டு இருந்த இப்படம் ரசிகர்கள் மத்தியில் எதிர்பார்த்த வரவேற்பைப் பெறாமல் தோல்வியைத் தழுவியது.

ரெட்ரோ:

அதனைத் தொடர்ந்து சூர்யா மற்றும் கார்த்திக் சுப்புராஜ் இயக்கத்தில் "ரெட்ரோ "என்ற படத்தில் நடித்து முடித்து விட்டார். ரெட்ரோ படத்தின் சில புகைப்படங்கள் வெளியாகியும் உள்ளன. மேலும் ,இப்படம் மே 1 ஆம் தேதி திரையிடப்படும் எனப் படக்குழுவினர் அறிவித்துள்ளனர். இதைத்தொடர்ந்து சூர்யா ,ஆர்.ஜே பாலாஜி இயக்கத்தில் அவரது 45-வது திரைப்படத்தில் நடித்து வருகிறார்.மேலும் சூர்யா, வெற்றி மாறன் இயக்கத்தில் " வாடிவாசல் " திரைப்படத்தில் நடிக்க உள்ளார்.

சூர்யா 46:

இந்நிலையில் அடுத்து சூர்யா நடிக்கப் போகும் படம் குறித்து ஒரு அதிரடி அப்டேட் வெளியாகியுள்ளது. அதாவது அடுத்து சூர்யா 46 படமானது லக்கிப் பாஸ்கர் படத்தின் இயக்குனர் வெங்கட் அட்லூரி இயக்கத்தில் நடிக்க உள்ளதாகத் தெரிவிக்கப்படுகிறது. இவருக்கு ஜோடியாக இப்படத்தில் தெலுங்கு நடிகைப் பாக்கியஸ்ரீ போர்ஸ் நடிக்க உள்ளதாகத் தகவல் வெளியாகி உள்ளது. மேலும் இப்படத்தின் டைட்டில்" 760cc "என்று இருக்கலாம் எனக் கருதப்படுகிறது. ஏனென்றால் இப்படமானது ,இந்தியாவின் முதல் என்ஜின் எப்படி உருவானது என்பதைப் பற்றிய கதையாகும் எனச் சொல்லப்படுகிறது. இது குறித்த அதிகாரப்பூர்வ தகவல் விரைவில் வெளிவரும் என எதிர்பார்க்கப்படுகின்றன.