சசிகாந்த் இயக்கத்தில் உருவாகியுள்ள "டெஸ்ட்" திரைப்படம், ரசிகர்களிடையே எதிர்பார்ப்பை ஏற்படுத்தி வருகிறது. இப்படத்தில் முன்னணி நடிகராக சித்தார்த் நடித்துள்ளார். ஆனால், இந்த படத்தில் முதலில் முக்கிய வேடத்தில் நடிக்கவிருந்தவர் நடிகரும், அரசியல்வாதியுமான எஸ்.வி. சேகர். தற்போது, அந்த வாய்ப்பு எப்படி நழுவி போனது என்பதை அவர் நேரடியாக விளக்கியுள்ளார்.

தன்னுடைய X (முன்னாள் ட்விட்டர்) கணக்கில் எஸ்.வி. சேகர் செய்த பதிவு வலையில் காட்டுத்தீ போல பரவியது. அந்த பதிவில் அவர்:“என்னை ஒரு படத்தில் புக் செய்த பிறகு, நானாக விலகினாலோ, விலக்கப்பட்டாலோ அந்த படம் ரிலீசாகி தியேட்டருக்கு வராது. வந்தாலும் ஓடாது. இது வரலாறு. வரலாறு தொடர்கிறது...”

என்றும் கூறி, அதோடு "டெஸ்ட்" படத்தின் போஸ்டரையும் பகிர்ந்திருந்தார்.இதனை பார்த்த நெட்டிசன்கள், “எஸ்.வி. சேகர் சாபமா விடுகிறார்?” என்ற கேள்வியுடன் விவாதம் ஆரம்பித்தனர்.

ஒரு நிகழ்ச்சியில் கலந்து கொண்ட எஸ்.வி. சேகர், "டெஸ்ட்" படத்திலிருந்து எப்படி நீக்கப்பட்டார் என்பதை விரிவாக தெரிவித்துள்ளார்:

• படத்தின் தயாரிப்பாளரும் இயக்குநருமான சசிகாந்த், எஸ்.வி. சேகரை சந்தித்து, சித்தார்த்தின் தந்தை வேடத்தில் நடிக்குமாறு கேட்டிருக்கிறார்.

• கதை சுவாரசியமாக இருந்ததால் எஸ்.வி. சேகர் உடனே ஒப்புக்கொடுத்து கால்ஷீட் மற்றும் அட்வான்ஸ் தொகையையும் பெற்றார்.

• ஆனால் ஷூட்டிங் தொடங்க 3 நாட்கள் முன்னர் சசிகாந்த் நேரில் வந்து, “ஒரு சின்ன பிரச்சனை இருக்கு” என்று கூறியுள்ளார்.

அப்போதுதான் உண்மை தெரிந்தது. சசிகாந்த் கூறியதாவது:“சித்தார்த், உங்களுடன் நடிக்க மாட்டேன் என்கிறார். காரணம் – நீங்கள் மோடியை ஆதரிக்கிறீர்கள்; அவர் மோடியை எதிர்க்கிறார். அதனால் சமூக ஊடகங்களில் தன்னை ட்ரோல் செய்வார்கள் என பயப்படுகிறார்.”

இதைக் கேட்ட எஸ்.வி. சேகர், "இது என்ன குழந்தைத்தனமா?" என்று கேள்வி எழுப்பியிருக்கிறார். மேலும்:“நான் விலகவேண்டும் என்றால், சித்தார்த் எனக்கு 50 லட்சம் கொடுக்கட்டும்,” என அவர் பதிலடி கொடுத்துள்ளார்.

இதன் பிறகு, சசிகாந்த் இரண்டு நாட்களில் ஒரு கடிதம் அனுப்பி:“கதையில் மாற்றம் ஏற்பட்டுள்ளதால், உங்கள் கேரக்டர் தேவையில்லை” என கூறியதாக எஸ்.வி. சேகர் தெரிவித்துள்ளார்.

இதனால், ஒரு நல்ல வாய்ப்பு தன்னிடமிருந்து பறிபோனது குறித்து மனமுடைந்த எஸ்.வி. சேகர், சமீபத்திய பதிவில் தனது ஆதங்கத்தை வெளிப்படுத்தியுள்ளார். இதைத் தொடர்ந்து சினிமா மற்றும் அரசியல் சூழ்நிலைகள் மீதான விவாதம் மீண்டும் உருவாகியுள்ளது.