இன்று வெளியானது மார்க் ஆண்டனி படத்தின் முதல் பாடல்.!

தமிழ் சினிமாவின் முன்னணி நடிகர்களில் ஒருவர் நடிகர் விஷால். செல்லமே, சண்ட கோழி, திமிரு, தாமிரபரணி, பூஜை, உள்ளிட்ட பல படங்களில் நடித்துள்ளார். தற்போது இவரது நடிப்பில் உருவாக்கி வரும் படம் மார்க் ஆண்டனி.

இந்தப் படத்தை ஆதிக் ரவிச்சந்திரன் இயக்கி வருகிறார். மேலும், இந்த படத்தில் எஸ்.ஜே.சூர்யா, சுனில், செல்வராகவன், கிங்ஸ்லி, ஒய்.ஜி.மகேந்திரன், ரிது வர்மா, அபிநயா உள்ளிட்ட பலர் நடித்துள்ளனர். இதற்கு ஜி.வி.பிரகாஷ் குமார் இசையமைக்கிறார்.

நடிகர் விஷால், எஸ்.ஜே.சூர்யா இருவரும் இரட்டை வேடங்களில் நடித்துள்ள இந்த படம் டைம் டிராவலை மையமாகக் கொண்டு உருவான படமாகத் தெரிகிறது. சமீபத்தில் படத்தின் இறுதிக்கட்ட டப்பிங் பணிகளை மேற்கொள்ளும் விடியோ ஒன்றை நடிகர் விஷால் பகிர்ந்திருந்தார். 

இந்தப் படம், விநாயகர் சதுர்த்தியை முன்னிட்டு, செப்டம்பர் மாதம் 15 ஆம் தேதி வெளியாக உள்ளது. இந்த நிலையில், இந்தப் படத்தின் முதல் பாடலான ‘அதிருதா’ என்கிற பாடல் ஜூலை 15 ஆம் தேதி வெளியாகும் என்று படக்குழு அறிவித்திருந்தது. 

அதன்படி இன்று ‘அதிருதா’ என்கிற பாடலின் லிரிக்கல் விடியோ இன்று வெளியாகியுள்ளது. இந்தப் பாடலை டி.ராஜேந்தர் பாடியுள்ளார். இது ரசிகர்களின் மத்தியில் நல்ல வரவேற்பை பெற்றுள்ளது.