ஓடும் காரில் இரவு முழுவதும் இளம்பெண் கூட்டு பலாத்காரம் - 4 வாலிபர்கள் கைது

பெங்களூருவில் இளம்பெண்ணை கடத்தி ஓடும் காரில் இரவு முழுவதும் கூட்டு பாலியல் பலாத்காரம் செய்த நான்கு வாலிபர்களை போலீசார் கைது செய்தனர்.

கர்நாடகா மாநிலம் பெங்களூரு கோரமங்களா காவல் எல்லைக்கு உட்பட்ட நேஷனல் ஹோம்ஸ் பார்க்கில் 19 வயதுடைய இளம்பெண் ஒருவர் கடந்த 25ஆம் தேதி இரவு தனது நண்பருடன் அமர்ந்து பேசிக் கொண்டிருந்தார். அப்பொழுது அங்கு வந்த நான்கு மர்ம நபர்கள், இவர்களிடம் தகராறில் ஈடுபட்டுள்ளனர். இதையடுத்து மர்ம நபர்கள் இளம்பெண்ணின் நண்பரை தாக்கி விட்டு, அங்கிருந்து காரில் இளம் பெண்ணை கடத்திச் சென்றுள்ளனர்.

இதையடுத்து இரவு முழுவதும் காருக்குள் வைத்து இளம்பெண்ணை நான்கு வாலிபர்களும் பாலியல் பலாத்காரம் செய்துள்ளனர். இதைத்தொடர்ந்து இளம்பெண்ணை கோரமங்களாவில் இறக்கிவிட்டு விட்டு அங்கிருந்து நான்கு வாலிபர்களும் சென்றுள்ளனர். இந்நிலையில் இந்த சம்பவம் குறித்து கோரமங்களா காவல் நிலையத்தில் புகார் அளிக்கப்பட்டது.

இந்த புகாரின் அடிப்படையில் வழக்கு பதிவு செய்து, விசாரணை மேற்கொண்ட போலீசார், இளம்பெண்ணை காரில் கடத்திச் சென்று கூட்டு பாலியல் பலாத்காரம் செய்த நான்கு வாலிபர்களை கைது செய்தனர். மேலும் இந்த சம்பவம் பெரும் பரபரப்பை ஏற்படுத்தி உள்ளது.