அதிர்ச்சியான தகவல்...கேரளாவில் ஒரே மாதத்தில் 6 கொலை..!
near kerala youth killed
கேரளா மாநிலத்தில் உள்ள கொச்சி தம்மனத்தை சேர்ந்த சஜின் ஷஹீர் என்பவருக்கும், கலூரை சேர்ந்த கிரண் ஆண்டனிக்கும் இடையே பணம் கொடுக்கல் வாங்கல் இருந்து வந்தது. இது தொடர்பாக, இருவருக்கும் கடந்த இரண்டு ஆண்டுகளாக பகை இருந்து வந்துள்ளது.
இந்நிலையில் கிரண் இன்ஸ்டாகிராமில் வெளியிட்ட பதிவு குறித்து அவரிடம் கேட்பதற்காக சஜின் அவரது வீட்டிற்கு வந்துள்ளார். அப்போது இருவருக்கும் இடையே வாக்குவாதம் ஏற்பட்டது. இதனால் கோபமடைந்த கிரண் சஜினை கத்தியால் குத்தியுள்ளார். அதேபோல் சஜினும் கிரணை மிகக் கடுமையாக தாக்கியுள்ளார்.
இருவரும் படுகாயங்களுடன் கொச்சி அரசு மருத்துவமனையில் அனுமதிக்கப்பட்ட நிலையில் சஜின் சிகிச்சை பலனின்றி உயிரிழந்தார். இந்த சம்பவம் தொடர்பாக போலீசார் வழக்குப்பதிவு செய்து விசாரணை மேற்கொண்டு வருகின்றனர். கேரளாவில் கடந்த ஒரு மாதத்தில் இந்த கொலை கொச்சியில் நடைபெற்ற 6-வது கொலை என்பது குறிப்பிடத்தக்கது ஆகும்.