மணிப்பூரில் அடுத்த அதிர்ச்சி!...3 பேரின் உடல்கள் சடலமாக கண்டெடுப்பு!
Next shock in manipur 3 dead bodies found
மணிப்பூர் மாநிலத்தில் ஜிரி நதி மற்றும் பராக் நதிக்கு அருகே 3 பேரின் உடல்கள் கண்டெடுக்கப்பட்டுள்ள சம்பவம் அதிர்ச்சியை ஏற்படுத்தியுள்ளது.
மணிப்பூர் மாநிலத்தில் உள்ள ஜிரிபாம் மாவட்டத்தில் 6 பேர் காணாமல் போனதாக அதிர்ச்சி தகவல் வெளியானது. இந்த நிலையில், மணிப்பூர்-அசாம் மாநில எல்லையில் உள்ள ஜிரி நதி மற்றும் பராக் நதிக்கு அருகே 3 பேரின் உடல்கள் கண்டெடுக்கப்பட்டுள்ள சம்பவம் அதிர்ச்சியை ஏற்படுத்தியுள்ளது. இது குறித்து அதிகாரிகள் இன்று தெரிவித்தனர்.
மேலும் இந்த 3 பேரின் உடல்கள் ஜிரிபாம் மாவட்டத்தில் காணாமல் போன 6 பேரின் உடல்கள் என்று சந்தேகிக்கப்படும் நிலையில், உடல்கள் அசாமின் சில்சார் மருத்துவக் கல்லூரி மருத்துவமனைக்கு பிரேத பரிசோதனைக்கு அனுப்பி வைக்கப்பட்டுள்ளதாக தகவல் வெளியாகி உள்ளது.
இந்த நிலையில், கண்டெடுக்கப்பட்ட உடல்கள் இன்னும் அடையாளம் காணப்படாத சூழ்நிலையில், பிரேத பரிசோதனைக்காக காத்திருப்பதாகவும், அடையாளத்திற்காக புகைப்படங்களை சேகரித்து உள்ளதாக மாவட்ட போலீசார் தெரிவித்துள்ளனர். தொடர்ந்து சம்பவம் குறித்து போலீசார் தீவிர விசாரணை மேற்கொண்டு வருகின்றனர்.
English Summary
Next shock in manipur 3 dead bodies found