நடுவானில் விமானப் பணிப்பெண்ணிடம் தகாத முறையில் நடந்து கொண்ட பயணி கைது.!

விமானத்தில் பெண் ஊழியரிடம் தவறான முறையில் நடந்து கொண்ட பயணியை அதிகாரிகள் கைது செய்தனர்.

ஐக்கிய அரபு அமீரகம், துபாயிலிருந்து பயணிகளுடன் பஞ்சாப் அமிர்தசருக்கு விமானம் ஒன்று வந்து கொண்டிருந்தது. இந்நிலையில் இந்த விமானத்தில் பயணம் செய்த பஞ்சாபின் ஜலந்தரின் கோட்லி கிராமத்தைச் சேர்ந்த விஜிந்தர் சிங் என்ற பயணி ஒருவர் மதுபோதையில் விமான பெண் ஊழியரிடம் தவறான முறையில் நடந்து கொண்டுள்ளார். இதையடுத்து இந்த சம்பவம் குறித்து விமான பெண் ஊழியர், விமானக்குழுவிடம் தெரிவித்துள்ளார்.

இதைத்தொடர்ந்து விமான ஊழியர்கள் அமிர்தசரஸ் கட்டுப்பாட்டு அறைக்கு தகவல் கொடுத்தனர். மேலும் விமான நிறுவனத்தின் உதவி பாதுகாப்பு மேலாளர் போலீசில் புகார் அளித்தார். இதைத்தொடர்ந்து, அமிர்தசரசில் விமானம் தரையிறங்கியதும் விமான நிலைய அதிகாரிகள், பெண் ஊழியரிடம் தவறான முறையில் நடந்து கொண்ட விஜிந்தர் சிங்கை கைது செய்தனர். மேலும் இதுகுறித்து போலீசார் விசாரணை மேற்கொண்டு வருகின்றனர்.