கர்நாடகாவில் இன்று பொது விடுமுறை - காரணம் என்ன?

காங்கிரஸ் கட்சியின் மூத்த தலைவரும், இந்திய நாட்டின் முன்னாள் பிரதமருமான மன்மோகன் சிங் உடல்நலக்குறைவால் நேற்று காலமானார். அவரது மறைவுக்கு அரசியல் கட்சித் தலைவர்கள் இரங்கல் தெரிவித்து வருகின்றனர்.

இதையடுத்து இந்தியாவில் ஏழு நாட்கள் துக்கம் அனுசரிக்கப்படும் என்றும், அரசு நிகழ்ச்சிகள் அனைத்தும் ரத்து செய்யப்படும் என்றும் மத்திய அரசு அறிவித்துள்ளது. இந்த நிலையில், மன்மோகன் சிங் மறைவையொட்டி கர்நாடகத்தில் இன்று பொது விடுமுறை அறிவிக்கப்பட்டுள்ளது.

இதுகுறித்து தெரிவித்துள்ளதாவது:- "அரசு அலுவலகங்கள், பள்ளி-கல்லூரிகள் உள்ளிட்ட அனைத்துக்கும் விடுமுறை அறிவிக்கப்பட்டு உள்ளது. இன்று கர்நாடகத்தில் அரசு நிகழ்ச்சிகள் அனைத்தும் ரத்து செய்யப்பட்டுள்ளது.

இன்று முதல் 7 நாட்கள் கர்நாடகத்தில் துக்கம் அனுசரிக்கப்படும் என்றும் தெரிவிக்கப்பட்டுள்ளது. இதனால் அரசு அலுவலகங்களில் தேசிய கொடி அரைக்கம்பத்தில் பறக்கவிடப்பட்டுள்ளது.