டீ மற்றும் சிகரெட்டை ஒன்றாகக் குடிப்பது, பலர் வழக்கமாக பின்பற்றும் பழக்கமாக இருக்கலாம். குறிப்பாக, டீக்கடைகளில், டீயுடன் சிகரெட் பிடிக்கின்றவர்கள் அதிகமாகவே காணப்படுகின்றனர். இதன் மூலம் புத்துணர்ச்சி கிடைக்கும் என்ற நம்பிக்கையும் உள்ளது. ஆனால் மருத்துவ ரீதியாக இது உடலுக்கு மிகுந்த தீங்குகளை ஏற்படுத்தும் பழக்கமாக கருதப்படுகிறது.

டீ மற்றும் சிகரெட்டின் சேர்க்கை – உயிருக்கு ஆபத்தான கலவை:

2023-ஆம் ஆண்டு Annals of Internal Medicine வெளியிட்ட அறிக்கையின் படி, சூடான டீயை குடிப்பது உணவுக்குழாயின் செல்களில் பாதிப்பை ஏற்படுத்துகிறது. இதனுடன் சிகரெட் புகைத்தால் அந்த ஆபத்து இரட்டிப்பு ஆகிறது. காலப்போக்கில், இது உணவுக்குழாய் புற்றுநோயை ஏற்படுத்தும் அபாயத்தை அதிகரிக்கிறது.

இரண்டின் சேர்க்கையால் ஏற்படக்கூடிய சுகாதாரப் பிரச்சனைகள்:

• இதய நோய்கள் மற்றும் பக்கவாதம்

• நுரையீரல் செயலிழப்பு

• வயிற்றுப்புண், குடல் பிரச்சனைகள்

• நினைவாற்றல் குறைவு

• கருவுறாமை பிரச்சனை

• ரத்த சோகை, மலச்சிக்கல்

இந்த பழக்கத்தை விட்டுவிட என்ன செய்யலாம்?

1. மன உறுதியுடன் இந்த பழக்கத்தை நிறுத்த முடிவெடுக்க வேண்டும்.

2. டீயை மெல்ல மெல்ல குறைத்து, அதற்குப் பதிலாக மூலிகை டீ போன்ற சத்துள்ள பானங்களைத் தேர்வுசெய்யலாம்.

3. தினமும் 8–10 கிளாஸ் தண்ணீர் குடிப்பது உடலை சுத்தப்படுத்த உதவும்.

4. நார்ச்சத்து நிறைந்த உணவுகள் – பழங்கள், காய்கறிகள், முழுதானியங்கள் – உணவில் அதிகரிக்கப்பட வேண்டும்.

5. மன அழுத்தம் காரணமாக இந்த பழக்கம் அதிகரிக்கும் என்பதால், மன அழுத்தத்திற்கான காரணங்களை அடையாளம் கண்டுபிடித்து சரி செய்ய முயற்சிக்க வேண்டும்.

முடிவில், டீயும் சிகரெட்டும் தனித்தனியாகவே மனித உடலுக்கு ஆபத்தானவை. ஆனால் இரண்டும் ஒன்றாகக் குடிக்கப்படும் போது, அதன் தீமைகள் பல மடங்கு அதிகரிக்கின்றன என்பது மருத்துவ ரீதியாக நிரூபிக்கப்பட்டுள்ளது. எனவே, உடனடியாக இந்த பழக்கத்தை நிறுத்தி, ஆரோக்கியமான வாழ்க்கை முறையைத் தேர்வு செய்வது அவசியம்.