பிரபல செய்தியாளர், மூத்த பத்திரிகையாளர் ரங்கராஜ் பாண்டே பொன்னியின் செல்வன் திரைப்படத்தை பாராட்டி டிவிட்டரில்  பதிவிட்டுள்ளார்.

அதில், "பொன்னியின் செல்வன் - குடும்பத்தோடு தியேட்டரில் பார்த்தேன். அமர்க்களம்.  கார்த்திக்கு வாழ்நாள் வாய்ப்பு. மிகச் சரியாக பயன்படுத்தி இருக்கிறார். ஜெயம் ரவிக்கு அடுத்த பாகத்தில் முக்கியத்துவம் கிடைக்கலாம். வயசானாலும் விக்ரம் கர்ஜிக்கிறார்.

50 KG யோ, 50 age- ஓ ஐஸ்வர்யா ராய் ஐஸ்வர்யா ராய் தான். Drone shot -ல் கூட அழகு தெறிக்கிறது. த்ரிஷா, சரத்குமார், ஜெயராம் என யாருமே சோடை போகவில்லை. நடனக் காட்சிகளில் பிருந்தா அரட்டிவிட்டார். கண்ணைத் திறந்துகொண்டு  விருது கொடுக்கலாம். 

இளையராஜா இல்லையே என ஏங்கினாலும், periodical theme இல்லையோ என சந்தேகிக்க வைத்தாலும் நிறைய இடங்களில் ரஹ்மான் நின்று விளையாடுகிறார். ஜெயமோகன் வசனம், காதல் காட்சிகளில் தேன். பொதுவாக, வசனம் இன்னும் எளிமையாகவும் punch - உடனும் இருந்திருக்கலாம். 

பொன்னியின் செல்வன் படத்தில் கொஞ்சம் பாகுபலி, கொஞ்சம் டைட்டானிக் பார்த்துவிடலாம். கல்கிக்கு நியாயம், தமிழ் வரலாற்றுக்கு பெருமை, இந்திய சினிமாவுக்கு கவுரவம்,  இளைய தலைமுறைக்கு கர்வம் கொடுத்திருக்கிறார் மணிரத்னம். இத்தனையும் படித்த பிறகும், எதிர்பார்ப்புகளை பூர்த்தி செய்யும் திரைக்கதை" என்று ரங்கராஜ் பாண்டே பாராட்டியுள்ளார்.