டி20 உலகக்கோப்பையில் இந்தியா - தென் ஆப்ரிக்கா அணிகள் இன்று மோதுகின்றன. இதில் டாஸ் வென்ற இந்தியா பேட்டிங் தேர்வு செய்துள்ளது.

ஐசிசி 8வது டி20 உலகக் கோப்பை ஆஸ்திரேலியாவில் நடைபெற்று வருகிறது. இதில், முதல் சுற்று போட்டிகள் முடிவடைந்த நிலையில், தற்போது சூப்பர் 12 சுற்று போட்டிகள் நடைபெற்று வருகிறது.

இந்த உலகக் கோப்பையில் இந்திய அணி சிறப்பாக விளையாடி வருகிறது. தற்போது நடைபெற்று வரும் சூப்பர் 12 சுற்று போட்டியில் பாகிஸ்தான் மற்றும் நெதர்லாந்து அணிகளை வீழ்த்தி 4 பள்ளிகளுடன் புள்ளிபட்டியலில் முதலிடத்தில் உள்ளது. இன்றைய போட்டியில் இந்திய அணி வெற்றி பெற்ற அரையிறுதிக்கு செல்ல வாய்ப்புள்ளது.

இந்த நிலையில் இன்று டி20  இந்தியா - தென் ஆப்ரிக்கா அணிகள் மோதும் போட்டி இன்று மாலை 4.30 மணிக்கு பெர்த் மைதானத்தில் தொடங்குகிறது. இதில் டாஸ் வென்ற இந்திய கேப்டன் ரோகித் சர்மா பேட்டிங் தேர்வு செய்துள்ளார்.

இந்த நிலையில் இந்தியா - தென்னாப்பிரிக்கா அணிகளுக்கு இடையேயான போட்டி ஸ்டார் ஸ்போர்ட்ஸ் தமிழ் சேனலில் ஒளிபரப்பாகிறது. இதில் பிரபல  நடிகையான ஐஸ்வர்யா ராஜேஷ் ஸ்டார் ஸ்போர்ட்ஸ் தமிழ் சேனலில் வர்ணனை செய்து வருகிறார்.

கடந்த 23 ஆம் தேதி நடந்த இந்தியா - பாகிஸ்தான் அணிகளுக்கு இடையேயான போட்டியில் நடிகர் சிவகார்த்திகேயன் வர்ணனையாளராக கலந்துகொண்டார் என்பது குறிப்பிடத்தக்கது.