இந்திய அணிக்கு எதிராக ஒருநாள் போட்டிகளில் வங்கதேச அணி புதிய சாதனை ஒன்றை படைத்துள்ளது.

ரோகித் சர்மா தலைமையிலான இந்திய அணி வங்கதேசத்திற்கு சுற்றுப்பயணம் மேற்கொண்டு 3 ஒரு நாள் போட்டிகள் மற்றும் 2 டெஸ்ட் போட்டிகள் கொண்ட தொடரில் விளையாடி வருகிறது.

நியூசிலாந்து தொடரில் விளையாட சீனியர் வீரர்களான ரோகித் சர்மா, விராட் கோலி, கேஎல் ராகுல் ஆகியோர் வங்கதேச அணிக்கு எதிரான தொடரில் பங்கேற்கின்றனர்.

இதில் முதல் போட்டியில் வங்கதேசம் அணி வெற்றி பெற்றதன் மூலம் 3 போட்டிகள் கொண்ட ஒருநாள் தொடரில் 1-0 என்ற கணக்கில் முன்னிலையில் உள்ளது.

இந்த நிலையில் இந்தியா - வங்கதேசம் அணிகள் மோதும் 2வது ஒருநாள் போட்டி இன்று காலை 11.30 மணி முதல் டாக்கா மைதானத்தில் நடைபெற்று வருகிறது. இதில் டாஸ் வென்ற வங்கதேசம் முதலில் பேட்டிங் தேர்வு செய்தது.

அதன்படி, வங்கதேச அணி முதலில் பேட்டிங் செய்து வருகிறது. இந்த நிலையில் இந்திய அணிக்கு எதிராக ஒரு நாள் போட்டிகளில் புதிய சாதனை ஒன்றை படைத்துள்ளது.

அந்த வகையில் வங்கதேச அணி 18.6 ஓவர்களில் 6 விக்கெட் இழப்பிற்கு 103 ரன்களுக்கு தவித்திருந்த நிலையில், இதில், 7வது விக்கெட்டுக்கு ஜோடி சேர்ந்த மெஹந்தி ஹாசன் - முஹம்மதுல்லா ஜோடி 133 ரன்கள் எடுத்துள்ளது. இதுவரை வங்கதேச அணி 44.5 ஓவர்களில் 6 விக்கெட் இழப்பிற்கு 203 ரன்கள் எடுத்துள்ளது. 

இதன் மூலம் ஒரு நாள் போட்டிகளில் இந்திய அணிக்கு எதிராக 7வது விக்கெட்டுக்கு அதிக ரன்களை வங்கதேச அணி எடுத்துள்ளது.